Qazaqstan men Ózbekstan birlesip farmatsevtıkalyq ónerkásip ashpaq
NUR-SULTAN. QazAqparat – Qazaqstan men Ózbekstannyń aýmaǵynda farmatsevtıkalyq ónerkásip ashý máselesi qaralyp jatyr. Bul týraly Ózbekstan Respýblıkasynyń Qazaqstandaǵy Tótenshe jáne Ókiletti elshisi Saıdıkram Nııazhodjaev málim etti, dep habarlaıdy QazAqparat tilshisi.
«Koronavırýspen kúreste Ózbekstan men Qazaqstannyń ózara baılanysyna erekshe toqtalyp ótkim keledi. Eki eldiń Densaýlyq saqtaý mınıstrligi indetti jeńý jolynda ózara tájirıbe almasty. QR Densaýlyq saqtaý mınıstri Ózbekstanda bolyp, eldegi epıdemıologııalyq jaǵdaıdy jaqsartýǵa qatysty ekijaqty keńes ótti. Odan bólek, pandemııa órship turǵan sátte, baýyrlas qazaq eli ózbek baýyryna gýmanıtarlyq kómek kórsetti. Sáıkesinshe bizdiń el de COVID-19-ben kúreste Qazaqstanǵa qol ushyn sozdy. Búginde eki el arasynda atalǵan baǵytta ózara tájirıbe almasý jalǵasyp keledi. Sonyń biri qazirgi tańda Ózbekstan men Qazaqstan aýmaǵynda farmatsevtıkalyq kásiporyn ashý máselesi qaralyp jatyr», - dedi Saıdıkram Nııazhodjaev elordadaǵy Ózbekstan elshiliginde ótken baspasóz máslıhatynda.
Elshiniń aıtýynsha, atalǵan másele búginde ekijaqty qaralyp jatyr.
