Qazaqstan men Ózbekstan birqatar ekijaqty qujattarǵa qol qoıdy
Atap aıtqanda, bekitilgen qujattardyń arasynda QR Prezıdenti Qasym-Jomart Toqaev pen Ózbekstan Prezıdenti Shavkat Mırzıeevtiń Birlesken málimdemesi bar. 
Budan bólek, eki el úkimetteri arasynda eńbek qyzmeti jáne eńbek-mıgranttary quqyqtaryn qorǵaý kelisimine, sondaı-aq zańsyz kóshi-qonmen kúres boıynsha yntymaqtastyq týraly kelisimge qol qoıyldy.
Belgili bolǵandaı, Qazaqstan men Ózbekstan syrtqy ister mınıstrlikteri arasynda 2019-2020 jyldarǵa arnalǵan yntymaqtastyq baǵdarlamasyna, eki el qorǵanys mınıstrlikteri arasynda áýe shabýylyna qarsy qorǵaný salasyndaǵy yntymaqtastyq týraly kelisimge qol qoıyldy.
Qazaqstan Respýblıkasynyń Qorǵanys mınıstrligi men Ózbekstan Respýblıkasynyń Qorǵanys mınıstrligi arasyndaǵy Áskerı ushaqtardy qabyldaý, aerodrom-tehnıkalyq qamtamasyz etý jáne áskerı aerodromdarda áskerı áýe kemelerin kúzetý týraly kelisim bekitildi.
Munymen qosa, Qazaqstan Respýblıkasynyń Ulttyq ekonomıka mınıstrligi men Ózbekstan Respýblıkasynyń Investıtsııalar jáne syrtqy saýda mınıstrligi arasyndaǵy «Ortalyq Azııa» halyqaralyq saýda-ekonomıkalyq yntymaqtastyq ortalyǵyn qurý máseleleri jónindegi ózara túsinistik týraly memorandýmǵa qol qoıyldy.
Sonymen qatar, Qazaqstan Respýblıkasynyń Aqparat jáne qoǵamdyq damý mınıstrligi men Ózbekstan Respýblıkasynyń Mınıstrler Kabıneti janyndaǵy Din isteri jónindegi komıtet arasyndaǵy yntymaqtastyq týraly memorandýmǵa qol qoıdy.
Esterińizge sala keteıik, Qazaqstan Respýblıkasynyń Prezıdenti Qasym-Jomart Toqaev memlekettik saparmen Ózbekstan Respýblıkasyna keldi.
Ózbekstan Prezıdentiniń Feısbýktegi paraqshasynda Qasym-Jomart Toqaevtyń sapary beınelengen vıdeo jarııalandy.
Aıta keteıik, Tashkent Qazaqstan Prezıdentiniń saparyna qyzý daıyndalǵan bolatyn.
