Qazaqstan men Ózbekstan avtoónerkásip salasynda yntymaqtastyqty keńeıtedi
ÁNDІJAN. QazAqparat - Qazaqstan men GM Motors Uzbekistan yntymaqtastyǵynyń keleshegi zor. Bul týraly Ándijan oblysyna jumys saparymen barǵan Ózbekstandaǵy QR Elshisi Erik Ótembaev aıtty, dep habarlaıdy «QazAqparat» HAA menshikti tilshisi.
Elshiniń aıtýynsha, SaryarkaAvtoProm GM Motors Uzbekistan kásipornymen birige otyryp, eki el men jaqyn shetelder naryǵyn qamtamasyz ete alady.
«SaryarkaAvtoProm GM Motors Uzbekistan yntymaqtastyǵyn biz uzaq merzimdik jáne strategııalyq joba retinde qarastyramyz. Qazir jylyna 7 myń avtomobıl qurastyratyn kelisimge qol jetkizildi. Aǵymdaǵy jyly R2 Ravon jáne R4 Ravon modelder jelisin ulǵaıtýdy josparlap otyrmyz»,-dedi Erik Ótembaev.
Elshi sonymen qatar, tek kólik qana emes, jalpy birikken avtomobıl ónerkásibin qurastyrý máselesi talqylanyp jatqanyn jetkizdi. Qazirgi ýaqytta aýyl sharýashylyǵy tehnıkasy klasterin qurý jóninde kelisim de bar.
Avtozaýytty aralaý barysynda Erik Ótembaev Samarqandtan shyǵatyn Isuzu avtobýsyn Tashkent-Shymkent aralyǵyna júrgizip, keıin Qazaqstanmen birigip shyǵarýdy qolǵa alý kerektigin aıtty.
