Qazaqstan men Ózbekstan arasyndaǵy taýar aınalymy jarty mıllıard dollardan asty
ShYMKENT. QazAqparat - 2017 jyldyń basynan bergi toǵyz aıda Qazaqstan jáne Ózbekstan arasyndaǵy taýar aınalymy 554 mıllıon dollardy qurady. Al ózbek kásipkerleriniń Qazaqstanda salyq tóleý kórsetkishi byltyrǵy jyldyń osy kezeńimen salystyrǵanda 2 mıllıard teńgege artty, dep habarlaıdy «QazAqparat» HAA tilshisi Ońtústik Qazaqstan oblysy Memlekettik kirister departamentiniń bólim basshysy Asqar Isahovqa silteme jasap.
«Eki el arasyndaǵy taýar aınalymynyń artýy ákimshilik kedergilerdi tómendetýsiz múmkin emes. Qazaqstan men Ózbekstan birqatar halyqaralyq konventsııalar qataryna, sonyń ishinde shekaralardaǵy júkterge baqylaý júrgizý sharttaryn kelisý týraly konventsııaǵa qosylyp úlgerdi», - dep atap ótti Isahov.
Budan ózge, eki el kedenshileri syrtqyekonomıkalyq qyzmetke qatysýshylardyń shekaradan ótýin jyldamdatý týraly ortaq pikirge keldi. Máselen, qazir Ózbekstanmen shekarada bes keden beketi tur, olardyń árqaısysynyń óz fýnktsııalary bar.
