Qazaqstan men Ózbekstan arasyndaǵy taýar aınalymy shamamen 2,5 mlrd dollardy qurady
TAShKENT. QazAqparat – Qazaqstan bıylǵy jylǵy jeti aıdyń qorytyndysy boıynsha Ózbekstannyń negizgi syrtqy saýda seriktesteriniń «úshtigine» kiredi, dep habarlaıdy QazAqparat tilshisi.
ÓR Statıstıka agenttiginiń málimetinshe, jyldyń qańtar-shilde aılarynda Ózbekstannyń syrtqy saýda aınalymy 34,9 mlrd dollarǵa jetti. Bul ótken jyldyń sáıkes kezeńimen salystyrǵanda 23,3% kóp.
Eldiń basty saýda seriktesi Qytaı bolyp qala beredi. Elder arasyndaǵy aınalym 6,9 mlrd dollardy qurady (jalpy kólemniń 19,7%-y). Bul kórsetkish boıynsha ekinshi orynda Reseı tur – 5,3 mlrd dollar (15,1%). Ózbekstanmen taýar aınalymy boıynsha kóshbasshy elder úshtigine Qazaqstan da kirdi – 2,49 mlrd dollar (7,1%).
Jalpy taýar aınalymy qurylymynda Ózbekstan Qazaqstanǵa 807,7 mln dollarǵa taýar eksporttady, al ımport 1 1682,7 mln dollardy qurady.
Buǵan deıin habarlanymyzdaı, 2022 jyldyń qorytyndysy boıynsha ekijaqty taýar aınalymy josparlanǵan $5 mlrd-qa jetti.
