Qazaqstan men Ózbekstan arasyndaǵy saýda aınalymy 50 paıyzǵa artty
ASTANA. QazAqparat - Qazaqstan men Ózbekstan arasyndaǵy saýda aınalymy 9 aıdyń qorytyndysy boıynsha 50 paıyzǵa artqan. Bul týraly senatorlardyń aldynda esep bergen Ózbekstan Respýblıkasy Syrtqy ister mınıstiriniń birinshi orynbasary Ilhomjon Nematov málimdedi, dep habarlaıdy QazAqparat Habar 24 agenttigine silteme jasap.
Jalpy, Ózbekstannyń álemdegi ózge alpaýyt elderimen aradaǵy syrtqy baılanysy da jaqsara tústi. Sonyń arqasynda jyl sońyna deıin 3 mıllıard dollarǵa jýyq ınvestıttsııa quıylady dep kútilýde. Sheteldiń qaltaly azamattaryn Ózbekstannyń jer asty qazba baılyqtary men Atom energetıkasy jáne aýyl sharýashylyǵy, týrızm salasy kóbirek qyzyqtyrady. Jalpy quny 1,6 mıllıard dollarǵa 61 joba júzege asyp, nátıjesinde 1 400 jumys orny ashylǵan. Al Uly Jibek joly boıynda qatar jatqan Qazaqstan men Ózbekstan vızalardy ózara taný jónindegi kelisimge keldi. Sonyń negizinde týrıster bir qujatpen eki eldiń aýmaǵynda emin-erkin júre alady.
«Men Syrtqy ister mınıstrligi erekshe mán berip otyrǵan úsh máselege toqtalǵym kelip otyr. Olar - Ózbekstannyń ınvestıtsııalyq múmkindikteri, ekinshi - eksporttyń áleýetin arttyrý, úshinshi - elge keletin týrıster sanyn eseleý. Sońǵy másele boıynsha Memleket basshysy Konstıtýtsııa kúninde sóılegen sózinde bıyl elimizge 4 mıllıonnan astam týrıst kelgenin atap ótti. Eger onyń árqaısysy 500 dollar ǵana jumsady dep sanasaq, onda saıahatshylar qorjynymyzǵa 2 mıllıard dollar saldy deýge bolady», - deıdi Ózbekstan Respýblıkasy Syrtqy ister mınıstriniń birinshi orynbasary Ilhomjon Nematov.
