Qazaqstan men Ózbekstan arasynda ýnıversıtetter konsortsıýmy qurylady
TAShKENT. QazAqparat - Ózbekstan ǵylym akademııasynyń vıtse-prezıdenti Bahrom Abdýhalımov pen Ózbekstandaǵy Qazaqstannyń Tótenshe jáne Ókiletti elshisi Erik Ótembaevtyń kezdesýi barysynda ýnıversıtetter konsortsıýmyn qurýdyń bolashaǵy talqylandy, dep habarlaıdy «QazAqparat» HAA menshikti tilshisi.
«Elbasy Nursultan Nazarbaevtyń halyqqa arnaǵan Joldaýynda kóptegen máselelerdiń túıini JOO ǵylymymen baılanysýy kerek ekendigi aıtylady. Sondyqtan tórtinshi óndiristik jańǵyrýdyń elementteri men barlyq tehnıkalyq múmkindikterin biz ýnıversıtetter keshenine ornalastyryp, Ózbekstannyń ǵylym akademııasymen birlese otyryp tehnoparkter men ǵylymı zertteý ortalyqtaryn qurǵymyz keledi»,-dedi QR Elshisi.
Dıplomattyń aıtýynsha, aldaǵy maqsattarǵa qol jetkizý úshin aldymen jol kartasyn belgilep, birlesken zertteý jumystaryn naqtylap alý kerek.
