Qazaqstan men Ózbekstan arasynda qatynaıtyn poıyzdarǵa bıletter arzandaıdy

ASTANA. QazAqparat - «Jolaýshylar tasymaly» AQ halyqtyń suranysyn qanaǵattandyrý maqsatynda bıletti satyp alý kúnine qaraı tómendegideı baǵyttar men merzimge jeńildikter engiziletinin habarlaıdy;

«Jolaýshylar tasymaly» AQ qarasty Qazaqstannan Ózbekstanǵa qatynaıtyn halyqaralyq poıyzdarǵa, sondaı-aq tirkeme vagondarǵa 2015 jylǵy 17 qyrkúıeginen 31 jeltoqsanyna deıin;

«Jolaýshylar tasymaly» AQ jáne «Ýzbekıston temır ıýllary» AQ qarasty Ózbekstannan Qazaqstanǵa nemese Qazaqstan arqyly qatynaıtyn halyqaralyq poıyzdarǵa, sondaı-aq tirkeme vagondarǵa 2015 jylǵy 10 qyrkúıeginen 30 qarashasyna deıin.

Atalmysh poıyzdardyń SV jáne kýpe sanatyndaǵy vagondaryna aldyn ala bılet alǵan jaǵdaıda tómendegideı jeńilidikter qarastyrylǵan. Poıyzdyń júrýinen 45 táýlikten 31 táýlik buryn satyp alsa 45 paıyz jeńildik. Poıyzdyń júrýinen 30 táýlikten 6 táýlikke deıin satyp alsa 35 paıyz jeńildik.

Platskart vagondar úshin: Poıyzdyń júrýinen 45 táýlikten 31 táýlik buryn satyp alsa, 35 paıyz jeńildik. Poıyzdyń júrýinen 30 táýlikten 6 táýlikke deıin satyp alsa, 25 paıyz jeńildik.

Memleketishilik marshrýttarda jáne bir top jolaýshylar birge bılet alǵan jaǵdaıda bul jeńildikter qoldanylmaıdy.