Qazaqstan men Ózbekstan arasyndaǵy «Tájen» ótkizý beketi 3 aıǵa jabylady

AQTAÝ. KAZINFORM – Mańǵystaý oblysy aýmaǵynda ornalasqan «Tájen» ótkizý beketiniń jumysy úsh aıǵa toqtatylady. Bul týraly Mańǵystaý oblysy boıynsha Memlekettik kirister departamenti habarlady.

- Ózbekstan tarapymen kelisim boıynsha 2025 jylǵy 1 aqpannan bastap «Tájen» keden beketi (Qazaqstan-Ózbekstan memlekettik shekarasynda ornalasqan) ótkizý pýnkti arqyly jeke tulǵalar, jeńil avtokólikter, avtobýstar jáne 3,5 tonnaǵa deıin júktemesi bar avtokólik quraldaryn ótkizý úsh aıǵa toqtatylady, - delingen habarlamada.

«Tájen» keden beketiniń ýaqytsha jabylýyna baılanysty jeke tulǵalar men kólik júrgizýshilerge «B.Qonysbaev», «Qaplanbek», «Syrdarıa» jáne «Tselınnyı» ótkizý beketteri arqyly ótýge keńes berildi.

«Tájen» ótkizý pýnkti Mańǵystaý oblysyndaǵy «Beıneý» temirjol stantsııasyna jaqyn ornalasqan. Sondyqtan shekaradan poezdar arqyly da ótýge bolady.

Aıta keteıik, «Tájen» keden beketinde qaıta jańǵyrtý jumystary júrgizilip jatyr. Soǵan baılanysty ótkizý pýnktiniń qyzmetin ýaqytsha toqtatýǵa týra kelgen.

- Osy kezge deıin beket arqyly táýligine shamamen 150 kólik kelip, osynshasy shetelge ketetin. Modernıtsazııa júrgizilgennen keıin ótkizý qýaty 2 ese artady, - deıdi departament ókili Maqsat Aqmuratov.

Buǵan deıin, Mańǵystaýda oqýshylar astan ýlanǵan ashananyń 4 qyzmetkerine qatysty sot úkimi shyqqany týraly jazǵan bolatynbyz.