Qazaqstan men Ózbekstan arasyndaǵy taýar aınalymy 2,2 mlrd dollardan asty
TAShKENT. KAZINFORM — Qańtar-mamyr aılarynyń qorytyndysy boıynsha Qazaqstan Ózbekstannyń negizgi saýda seriktesteriniń úshtiginde qaldy, dep habarlaıdy Kazinform agenttiginiń Tashkenttegi menshikti tilshisi.
Ózbekstan Ulttyq statıstıka komıtetiniń aqparatyna saı, bes aıda eldiń syrtqy saýda aınalymy 32,8 mlrd dollarǵa teńelip, 2025 jyldyń sáıkes kezeńimen salystyrǵanda 3,7%-ǵa ósti. Qańtar-mamyrda kórshiles memleket álemniń 185 elimen saýda-sattyq jasady.
Ózbekstannyń negizgi saýda seriktesteri kóshin Qytaı bastap tur. Eki memleket arasyndaǵy taýar aınalymy 7,6 mlrd dollardan (jalpy kólemniń 23,4%) asty.
Al saýda-sattyqtyń 17,6%-y Reseıdiń úlesine tıesili. Bul elmen aradaǵy eksport-ımport kólemi 5,7 mlrd dollardan artyq.
Sondaı-aq kóshbasshylardyń úshtigin Qazaqstan túıindeıdi. Resmı Astana men Tashkent arasyndaǵy taýar aınalymy 2,2 mlrd dollardan (6,9%) asty. Bul 2025 jyldyń sáıkes kezeńimen salystyrǵanda 945 mln dollarǵa kóp. Qamtylyp otyrǵan kezeńde Ózbekstan 573,7 mln dollardyń taýaryn eksporttap, 1,6 mlrd dollardan astam somaǵa ónim ımporttaǵan.
Eske salaıyq, Ózbekstanda qazaqstandyq kapıtalmen jumys isteıtin kompanııalar qatary kóbeıdi.
Buǵan deıin habarlaǵanymyzdaı, bes aıda 1,2 mıllıonnan astam qazaqstandyq Ózbekstanǵa saıahattap barǵan.
