Qazaqstan men Ózbekstan arasynda tikeleı áýe reısi iske qosyldy

ASTANA. KAZINFORM — 3 shildede Ózbekstannyń Centrum Air áýe kompanııasy Núkis – Aqtaý – Núkis baǵyty boıynsha jańa turaqty reısti júzege asyra bastady, dep habarlaıdy «Dýne» agenttigi.

Osylaısha, Qazaqstan men Ózbekstan arasyndaǵy kólik baılanysy odan ári keńeıip otyr.

Jańa reıstiń ashylýyna oraı Aqtaý halyqaralyq áýejaıynda saltanatty shara uıymdastyryldy. Іs-sharany Ózbekstannyń Aqtaýdaǵy Bas konsýldyǵy men Qazaqstannyń Mańǵystaý oblysy ákimdigi birlesip ótkizdi.

Aptasyna eki ret oryndalatyn turaqty reıster Ózbekstanǵa týrıster aǵynyn arttyryp, ózara saparlardyń kóbeıýine jáne saýda-ekonomıkalyq baılanystardyń nyǵaıýyna yqpal etedi.

Aıta keteıik, 600 myńnan asa qazaqstandyq demalysyn Ózbekstanda ótkizdi.