Qazaqstan men Ózbekstan arasynda taǵy bir áýe reısi ashylady
TAShKENT. KAZINFORM — FlyArystan áýe kompanııasynyń ushaqtary 3 qyrkúıekten «Almaty — Úrgenish — Almaty» baǵyty boıynsha reıs oryndaı bastaıdy, dep habarlaıdy Kazinform agenttiginiń Tashkenttegi menshikti tilshisi.
Uzbekistan Airports kompanııasynan málim etkendeı, atalǵan baǵytta aptasyna 2 reıs josparlanǵan. ıAǵnı, ushaqtar beısenbi jáne jeksenbi kúnderi jolaýshylar tasymaldaıdy.
— Jańa baǵytty ashý Qazaqstan men Ózbekstan arasyndaǵy óńiraralyq baılanystardy nyǵaıtyp, týrızmdi damytýǵa serpin beredi, — dep atap ótti kompanııadan.
Buǵan deıin habarlaǵanymyzdaı, Ózbekstannyń eń iri Uzbekistan Airways áýe kompanııasy avıaotyn tapshylyǵyna baılanysty Reseı baǵytyndaǵy reısterdiń bir bóligin qysqartady.
Eske salaıyq, 13 maýsymda Qostanaı men Tashkent arasynda tikeleı áýe reısi ashyldy. Sondaı-aq, bıyl 29 naýryzda Astana men Tashkent arasynda taǵy bir tikeleı áýe reısi iske qosyldy.
