Qazaqstan men Ózbekstan arasynda qosymsha 4 saýda dálizi ashylýy múmkin

TAShKENT. KAZINFORM – Ózbekstan tarapy Qazaqstanmen aradaǵy taýar aınalymyn arttyrý maqsatynda qosymsha 4 saýda dálizin ashýdy josparlap otyr, dep habarlaıdy Kazinform agenttiginiń menshikti tilshisi.

Atalǵan bastamany iske asyrý týraly Jetisý oblysynyń kásipkerlerimen kezdesken Ózbekstannyń Qazaqstandaǵy Tótenshe jáne Ókiletti Elshisi Bahtıer Ibragımov aıtty.

Sonymen qatar, dıplomatııalyq mıssııa basshysy Ózbekstannyń ekonomıkalyq baılanystardy damytýǵa baǵyttalǵan sharalaryn baıandady. Atap aıtqanda, B.Ibragımov resmı Tashkent memlekettik shekaralardaǵy ótkizý beketterin jóndeýden ótkizip jatyr. Onyń aıtýynsha, bul taýar aınalymyn arttyrýǵa tikeleı yqpal etedi.

Eske salaıyq, Tashkentte Qazaqstannyń, Astanada Ózbekstannyń saýda ortalyǵy salýy múmkin.

Toqtala keteıik, búginde Ózbekstanda qazaqstandyq kapıtalmen myńnan astam kásiporyn jumys isteıdi. Bul rette eki el arasyndaǵy óńiraralyq baılanys nyǵaıyp keledi.

Byltyr Qazaqstan men Ózbekstan arasyndaǵy taýar aınalymy 4,2 mlrd dollardan asty. Qamtylyp otyrǵan kezeńde resmı Tashkent Astanaǵa 1,4 mlrd dollardyń taýaryn eksporttap, 2,8 mlrd dollardan astam somaǵa taýar ımporttaǵan.

Sondaı-aq, keıingi 5 aıda Qazaqstan Ózbekstanǵa 2 mln tonna astyq eksporttady.