Qazaqstan men Ózbekstan arasynda 15 qujatqa qol qoıyldy

ASTANA. KAZINFORM – Kelissózder qorytyndysy boıynsha Qasym-Jomart Toqaev pen Shavkat Mırzıeev mynadaı qujattarǵa qol qoıdy:

1. Qazaqstan Respýblıkasy Prezıdenti men Ózbekstan Respýblıkasy Prezıdentiniń Birlesken málimdemesi;

2. Qazaqstan Respýblıkasy men Ózbekstan Respýblıkasy Joǵary memleketaralyq keńesiniń qazaq-ózbek ekijaqty yntymaqtastyǵyn odan ári damytý jónindegi sheshimi;

3. Qazaqstan Respýblıkasy men Ózbekstan Respýblıkasy Joǵary memleketaralyq keńesiniń Syrtqy ister mınıstrleri keńesi týraly erejeni bekitý jónindegi sheshimi.

Sonymen qatar Ózbekstan Prezıdentiniń elimizge memlekettik sapary aıasynda mynandaı qujattarǵa qol qoıyldy:

1. Qazaqstan Respýblıkasy Úkimeti men Ózbekstan Respýblıkasy Úkimeti arasyndaǵy qazaq-ózbek memlekettik shekarasynyń rejımi týraly kelisim;

2. Qazaqstan Respýblıkasy Úkimeti men Ózbekstan Respýblıkasy Úkimeti arasyndaǵy 2006 jylǵy 4 qyrkúıektegi qazaq-ózbek memlekettik shekarasy arqyly ótkizý pýnktteri týraly kelisiminiń hattamasyna ózgertýler men tolyqtyrýlar engizý týraly hattama;

3. Qazaqstan Respýblıkasy Úkimeti men Ózbekstan Respýblıkasy Úkimeti arasyndaǵy 2006 jylǵy 20 naýryzdaǵy halyqaralyq avtomobıl qatynasy týraly kelisimine ózgertýler men tolyqtyrýlar engizý týraly hattama;

4. Qazaqstan Respýblıkasy Úkimeti men Ózbekstan Respýblıkasy Úkimeti arasyndaǵy mádenı-gýmanıtarlyq yntymaqtastyq jónindegi 2024-2025 jyldarǵa arnalǵan is-sharalardyń jospary;

5. Qazaqstan Respýblıkasy Aýyl sharýashylyǵy mınıstrligi men Ózbekstan Respýblıkasy Aýyl sharýashylyǵy mınıstrligi arasyndaǵy aýyl sharýashylyǵy salasyndaǵy yntymaqtastyq týraly kelisim;

6. Qazaqstan Respýblıkasy Ulttyq ekonomıka mınıstrligi men Ózbekstan Respýblıkasy Ekonomıka jáne qarjy mınıstrligi arasyndaǵy ózara túsinistik jáne yntymaqtastyq týraly hattama;

7. Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıteti men Ózbekstan Respýblıkasy Básekelestikti damytý jáne tutynýshylar quqyǵyn qorǵaý komıteti arasyndaǵy tabıǵı monopolııalardy retteý salasyndaǵy yntymaqtastyq týraly hattama;

8. Qazaqstan Respýblıkasy Densaýlyq saqtaý mınıstrligi men Ózbekstan Respýblıkasy Densaýlyq saqtaý mınıstrligi arasyndaǵy densaýlyq saqtaý salasyndaǵy yntymaqtastyq týraly kelisim;

9. Qazaqstan Respýblıkasy Básekelestikti qorǵaý jáne damytý agenttigi men Ózbekstan Respýblıkasy Básekelestikti damytý jáne tutynýshylar quqyǵyn qorǵaý komıteti arasyndaǵy básekelestikti qorǵaý saıasaty salasyndaǵy yntymaqtastyq týraly hattama;

10. Qazaqstan Respýblıkasy Prezıdenti janyndaǵy Qazaqstannyń strategııalyq zertteýler ınstıtýty men Ózbekstan Respýblıkasy Prezıdenti janyndaǵy Strategııalyq jáne óńiraralyq zertteýler ınstıtýty arasyndaǵy Qazaqstan-Ózbekstan sarapshylar keńesin qurý jónindegi ózara túsinistik týraly memorandým;

11. «Otandastar» qory men Ózbekstan Respýblıkasy Mádenıet mınıstrligi janyndaǵy Ultaralyq qatynastar jáne sheteldermen dostyq baılanystar jónindegi komıteti arasyndaǵy ózara túsinistik týraly kelisim;

12. Astana qalasy ákimdigi men Tashkent qalasynyń hokımııaty arasyndaǵy 2025-2026 jyldarǵa arnalǵan saýda-ekonomıkalyq, ınvestıtsııalyq jáne mádenı-gýmanıtarlyq salalardaǵy yntymaqtastyqty keńeıtý jónindegi naqty is-sharalar jospary («Jol kartasy»).

Aıta keteıik, Memleket basshysy Qasym-Jomart Toqaev búgin Astanaǵa memlekettik saparmen kelgen Ózbekstan Prezıdenti Shavkat Mırzıeevti Aqordada qarsy aldy.

Qasym-Jomart Toqaev ózbek basshysynyń Qazaqstanǵa saparyn joǵary baǵalady.

Shavkat Mırzıeev Qazaqstannyń eń joǵarǵy nagradasy — «Altyn qyran» ordenimen marapattaldy.