Qazaqstan men Ózbekstan aktıvterdi qaıtarý salasynda birlesken bastamalardy iske asyrady
ASTANA.KAZINFORM — Іs-shara Qazaqstan men Ózbekstan Bas Prokýrorlary qol qoıǵan Yntymaqtastyq týraly memorandýmdy jáne 2026–2027 jyldarǵa arnalǵan birlesken is-sharalar baǵdarlamasyn iske asyrý sheńberinde uıymdastyryldy.
2026 jylǵy 25 maýsymda Bas prokýratýramen Ózbekstan Respýblıkasy Bas prokýratýrasynyń ókilderiniń qatysýymen «Zańsyz ıemdenilgen aktıvterdi anyqtaý, olarǵa tyıym salý jáne qaıtarý salasyndaǵy halyqaralyq yntymaqtastyq» taqyrybynda semınar ótkizildi.
Іs-shara Qazaqstan men Ózbekstan Bas Prokýrorlary qol qoıǵan Yntymaqtastyq týraly memorandýmdy jáne 2026–2027 jyldarǵa arnalǵan birlesken is-sharalar baǵdarlamasyn iske asyrý sheńberinde uıymdastyryldy.
Semınar barysynda zańsyz ıemdenilgen aktıvterdi izdestirý, olarǵa tyıym salý, tárkileý jáne qaıtarý salasyndaǵy halyqaralyq yntymaqtastyqtyń ózekti máseleleri talqylandy.
Qazaqstan Respýblıkasynyń «Zańsyz ıemdenilgen aktıvterdi memleketke qaıtarý týraly» Zańyn qoldaný praktıkasyna, azamattyq tárkileý ınstıtýtyn paıdalanýǵa, qaıtarylǵan aktıvterdi basqarý máselelerine, sondaı-aq tsıfrlyq aktıvterge baılanysty qylmystardy tergep-tekserýge erekshe nazar aýdaryldy.
Qatysýshylar praktıkalyq tájirıbemenalmasyp, qarjylyq qylmystardyń transulttyq sıpatymen baılanysty zamanaýı syn-qaterlerdi qarastyrdy jáne aktıvterdi qaıtarý salasyndaǵy ózara is-qımyldyń odan arǵy baǵyttaryn talqylady.
Semınar qorytyndysy boıynsha taraptar seriktestikti odan ári damytýǵa, praktıkalyq yntymaqtastyqty keńeıtýge jáne zańsyz ıemdenilgen aktıvterdi anyqtaý, olarǵa tyıym salý jáne qaıtarý tıimdiligin arttyrýǵa baǵyttalǵan birlesken bastamalardy iske asyrýǵa múddeliligin rastady.
Osyndaı is-sharalardy ótkizý halyqaralyq yntymaqtastyqty nyǵaıtýǵa jáne memleketterdiń ekonomıkalyq múddelerin qorǵaý jónindegi birlesken jumystyń tıimdiligin arttyrýǵa yqpal etedi.
Aıta ketelik bıyl memleketten zańsyz shyǵarylǵan aktıvterdiń 40 mlrd teńgesi qaıtarylǵan edi.
