Qazaqstan men Ózbekstan 2018 jyly demarkatsııa boıynsha dalalyq jumystardy júrgizedi
TAShKENT. QazAqparat - Qazaqstan men Ózbekstan 2018 jyly demarkatsııa boıynsha dalalyq jumystardy júrgizýge ózara kelisti, dep habarlaıdy QazAqparattyń menshikti tilshisi Ózbekstan SІM-niń baspasóz qyzmetine silteme jasap.
Sheshim Tashkenttegi ózbek-qazaqstannyń birlesken demarkatsııalyq komıssııasynyń 11-15 jeltoqsandaǵy jumys tobynyń kezdesýinde qabyldandy.
Taraptar kelissózder barysynda ózbek-qazaqstandyq memlekettik shekarany demarkatsııalaý jónindegi qorytyndy qujattar boıynsha jumystardy jalǵastyrdy.
«Sondaı-aq, taraptar pikir almasyp jáne 2018 jyly demarkatsııa boıynsha dalalyq jumystardy júrgizýdi uıymdastyrý máselelerin sheshýge kelisti», - delingen kórshi eldiń SІM taratqan habarlamasynda.
Kezdesý konstrýktıvti jáne dostastyq jaǵdaıynda ótti.
