Qazaqstan men Ózbekstan 13 jylǵa sozylǵan shekarany belgileý jumysyn aıaqtaýda
ASTANA. QazAqparat -2003 jyly bastalǵan Qazaqstan men Ózbekstan arasyndaǵy memlekettik shekarany belgileý protsesi aıaqtalýǵa jaqyn.
Eki tarap ta qorytyndy qujatty aıaqtap jatyr. Bul týraly QazAqparat tilshisine QR Syrtqy ister mınıstrligi baspasóz qyzmetiniń jetekshisi Ánýar Jaınaqov málim etti.
«Bul jumys uzaq ýaqyttan beri kele jatqan másele. Eki tarap memlekettik shekarany ornatýǵa endi-endi jaqyndady. Sońǵy qorytyndy qujattar ázirlenýde. Eki eldiń sarapshylary da jumys istedi. Memlekettik shekarany ornatý jumysy aıaqtalǵan soń, tolyq aqparatty habarlaımyz», - dedi Á.Jaınaqov.
Á.Jaınaqov málim etkendeı, jyl basynan beri shekara ornatý jónindegi Qazaqstan-Ózbekstan komıssııasynyń birlesken úsh otyrysy ótken, sondaı-aq, eki jumys toby da kezdesip, máseleni pysyqtaǵan.
QR Syrtqy ister mınıstrliginiń málimetine sensek, jergilikti eldi mekenderdegi shekara belgisi 1565 negizgi jáne aralyq shekara baǵanymen belgilengen. Osy 1565 baǵannyń 776-syn Qazaqstan tarapy qoıyp shyqqan.
