Qazaqstan men Ońtústik Koreıa Qorǵanys mınıstrleriniń kelissózi ótpeıtin boldy
ASTANA. KAZINFORM – Qorǵanys mınıstrligi vedomstvo basshysynyń Ońtústik Koreıa Qorǵanys mınıstrimen ótýge tıis bolǵan kelissózi ótpeıtinin málim etti.
– QR Qorǵanys mınıstrligi Qorǵanys mınıstriniń Koreıa Respýblıkasyna josparlanǵan sapary koreı tarapynyń bastamasymen ótpeı qalǵanyn habarlaıdy. Koreıa tarapynyń jaýaby qosa berilgen, - dep jazylǵan mınıstrliktiń resmı aqparatynda.
Ońtústik Koreıa tarapynyń resmı málimetine súıensek, kelissózdiń ótpeýine eldiń ishindegi saıası ahýal túrtki bolǵan.
– Koreıa Respýblıkasynyń Ulttyq qorǵanys mınıstrligi Qazaqstan Qorǵanys mınıstriniń Koreıaǵa saparyna qatysty mynany habarlaıdy. Elimizdegi ishki jaǵdaıǵa baılanysty búgin Koreıaǵa sapar múmkin emestigin habarlaımyz, - dep jazylǵan málimette.
Eske salsaq, eldegi saıası ahýaldyń saldarynan keshe tústen keıin Ońtústik Koreıanyń qorǵanys mınıstri otstavkaǵa ketken edi.
3 jeltoqsanda Ońtústik Koreıa prezıdenti ıÝn Sok El elde áskerı jaǵdaı engiziletinin habarlaǵannan keıin saıası aýhal shıelenisken bolatyn.
Sondaı-aq, Syrtqy ister mınıstriniń orynbasary Álibek Baqaev saıası ahýaly shıelenisken Ońtústik Koreıa men Grýzııadaǵy qazaqstandyqtardyń qaýipsizdigi týraly pikir bildirdi.