Qazaqstan men Ońtústik Koreıa elderi arasynda jańa áýe baǵyttary ashylady

Kólik mınıstrligi baspasóz qyzmeti Seýlde (Koreıa Respýblıkasy) Qazaqstan Kólik vıtse-mınıstri Talǵat Lastaevtyń Koreıa Respýblıkasy Jer, ınfraqurylymy jáne kólik mınıstriniń orynbasary ıÝn Sang Lımen ekijaqty kezdesýi ótkenin málimdedi. 

Kezdesý barysynda taraptar Astana men Seýl arasyndaǵy reısterdi qaıta bastaý, Almaty – Seýl baǵyty boıynsha oryndalatyn reısterdi ulǵaıtý, sondaı-aq Shymkentten Seýlge jáne Pýsan men Qazaqstan qalalary arasyndaǵy reısterdi ashý máselesin talqylap ýaǵdalasty. 

Sonymen qatar Talǵat Lastaev T' Way tómen bıýdjettik áýe kompanııasynyń jáne Sirius Airlines júk áýe kompanııasynyń basshylyǵymen kezdesý ótkizdi. Kezdesý barysynda koreıalyq tasymaldaýshylar Qazaqstanǵa ushýǵa nıetti ekenin bildirdi.