Qazaqstan men Ońtústik Koreıa arasynda iskerlik baılanystar men týrızm damyp keledi
ASTANA. KAZINFORM – Buǵan eki el arasyndaǵy tikeleı áýe qatynasy áser etip otyr. Bul jóninde QR Ónerkásip jáne qurylys mınıstri Ersaıyn Naǵaspaev Qazaqstan-Koreıa birlesken komıssııasynyń saýda-ekonomıkalyq jáne ǵylymı-tehnıkalyq yntymaqtastyq boıynsha 11-otyrysynda málimdedi.
– Gýmanıtarlyq baılanystarda oń dınamıka baıqalatynyna aıryqsha toqtalǵym keledi. Memleketterimizdiń arasynda 2024 jyldan beri tikeleı áýe reısi bar. Ol iskerlik qarym-qatynastardyń jáne týrızmniń damýyna, sondaı-aq, qos el azamattarynyń baılanysynyń keńeıýine yqpal etti. Búginde Qazaqstan men Koreıa arasynda aptasyna 20 tikeleı reıs júzege asady. 2025 jyly Koreıa Respýblıkasyna Qazaqstannan 65 myń týrıst barsa, al Koreıadan Qazaqstanǵa 51 myń týrıst kelgen, – dedi ol.
Aıta keteıik, buǵan deıin Mınıstr Ońtústik Koreıa kompanııalaryn Aqtaý jáne Quryq porttaryn damytýǵa shaqyrǵanyn jazǵanbyz.
