Qazaqstan men Ońtústik Koreıanyń dostyǵyna arnalǵan estelik-belgi ashyldy
Estelik-belginiń saltanatty ashylýy QR Mádenıet jáne sport mınıstrliginiń qoldaýymen ótti. Bul estelik-belgi Koreıa Respýblıkasynyń bastamasymen 2013 jyldan bastap Koreıa, Qytaı, Iran, Ózbekstan, Túrkııa, Úndistan syndy Uly Jibek joly boıyndaǵy elderde qoıylǵan. Erekshe belgini ornalastyrý mártebesi ejelgi Jibek jolynyń boıynda jatqan «Esik» Memlekettik tarıhı-mádenı qoryq-mýzeıiniń enshisine buıyrdy.
Sharany Almaty qalasynda 2018 jyldyń 1 maýsymy kúni Koreıa Respýblıkasynyń Kensanbýk-do aımaǵy ekonomıkany damytý uıymynyń uıymdastyrýymen ótetin «Uly Jibek joly jáne soltústik baǵyttaǵy áriptestik» atty halyqaralyq forýmnyń saltanatty jalǵasy deýge bolady.
Saltanatty sharaǵa Mádenıet jáne spoart mınıstri Arystanbek Muhamedıuly, Koreıa Respýblıkasynyń Kensanbýk-do aımaǵynyń gýbernatory Kım Kvan En, Almaty qalasyndaǵy Koreıa Respýblıkasynyń bas konsýly Jon Syn Mın, Kensanbýk-do aımaǵynyń halyqaralyq qatynastar elshisi Jo Zýń Chol, Órkenıetter almasýy ınstıtýtynyń dırektory Zon Sý Il jáne taǵy basqa meımandar qatysty.
«Uly jibek joly adamzattyń ekonomıkalyq turǵydan ǵana emes, eń bastysy mádenı qarym-qatynas turǵysynan da bir-birimen aralasýyna zor yqpal jasady. Halyqaralyq saýda jáne dıplomatııa joly retinde qyzmet etken bul saýda joly sondaı-aq mádenıettiń taralýyna, órkenıettiń damýyna jáne qalalar men eldi mekenderdiń órleýine tıimdi yqpal etip otyrǵan. Árıne, órkenıetter men mádenıettiń almasýlaryna mán bergen Uly Jibek jolynyń ásirese qazaq jeri arqyly ótken tarmaqtary bizdiń qyzyǵýshylyǵymyzdy týdyrady. Óıtkeni anaǵurlym tynysh ári qaýipsiz sanalǵan bul tarmaqtaǵy saýda joly ásirese túrki dáýirinde erekshe suranysqa ıe boldy. Bul aldymen túrki qaǵandarynyń osy aımaqtarda júrgizip otyrǵan saıasatynyń nátıjesinde ornaǵan tynyshtyq pen qaýipsizdik faktory dep sanaımyz», - dedi eskertkish belginiń ashylýynda Arystanbek Muhamedıuly.
Mınıstr estelik-belgi ashylyp otyrǵan «Esik» qoryq-mýzeıiniń aýmaǵy da ejelgi Jibek joly ótetin aýmaqqa jatatynyn atap ótti.
Óz kezeginde KR Kensanbýk-do aımaǵynyń gýbernatory Kım Kvan En búgin - asa mańyzdy kún ekenin atap ótti.
«Sebebi, osydan myńdaǵan jyldar buryn ata-babamyz negizin salǵan «Jibek jolyn» búginde jańasha jańǵyrtý baqytyna ıe bolyp otyrmyn. Men eń áýeli jyly qonaqjaılyǵy men qazaq mádenıeti tarıhyn jeke ózi túsindirgeni úshin QR Mádenıet jáne sport mınıstri Arystanbek Muhamedıuly myrzaǵa, osynaý baılanystarǵa erekshe eńbek sińirgen, «Esik» qoryq-mýzeıiniń dırektory Gúlmıra Mýhtarovaǵa alǵys aıtqym keledi. Búgin osynda menimen qatar kóptegen professorlar men ǵalymdar kelip otyr. Olardyń kóbi keshegi ótken Halyqaralyq forýmǵa qatysty jáne sol forýmda kóptegen pikir-talastar jasady. Árıne, ǵylymı turǵyda ondaı bolýy zańdylyq», - dedi ol.
Іs-shara barysynda mártebeli meımandar «Esik» qoryq-mýzeıiniń ekspozıtsııa zaldarymen, «Esik» qoryq-mýzeıi men Ońtústik Koreıa ǵylymı mekemeleri arasyndaǵy qarym-qatynastarǵa arnalǵan fotokórmemen tanysty. Oǵan qosa Jibek joly boıyndaǵy osyndaı erekshe belgilerdiń máni men mańyzy týraly egjeı-tegjeıli baıandalyp, Kemeng ýnıversıtetiniń taekvondo komandasynyń, «Arqaıym» etno-folk-toby men «Torpı» kórkemóner toby syndy eki eldiń ulttyq dástúrdegi án-kúı óneri ókilderiniń sheberligin dúıim jurtqa pash etti.
