Qazaqstan men Ońtústik Koreıa saýda salasyndaǵy yntymaqtastyqty nyǵaıtýda

ASTANA. QazAqparat – Qazaqstan Respýblıkasynyń Koreıa Respýblıkasyndaǵy Elshisi Nurǵalı Arystanov Koreıa Respýblıkasynyń Saýda mınıstri An Dok Kynmen kezdesý ótkizdi, dep habarlaıdy QR SІM baspasóz qyzmeti.

Kezdesý barysynda ekijaqty saýda-ekonomıkalyq yntymaqtastyqty odan ári keńeıtý joldary talqylandy. Taraptar sońǵy jyldardaǵy Qazaqstan men Ońtústik Koreıa arasyndaǵy saýdanyń qarqyndy ósýine qanaǵattanýshylyq bildirdi. Máselen, koreı statıstıkasyna sáıkes, 2022 jyly taýar aınalymy rekordtyq kórsetkishterge jetip, 6,5 mlrd dollar qurady jáne ótken jylmen salystyrǵanda 2 esege ósti. Aıta ketý kerek, qazaqstandyq eksporttyń ósimi 100% qurap, oń serpin kórsetti.

Sondaı-aq, kezdesý barysynda ınvestıtsııalyq yntymaqtastyq máseleleri talqylandy. Búgingi tańda Ońtústik Koreıa – Qazaqstan ekonomıkasynyń 6-shy eń iri ınvestory. Mınıstr An Dok Kyn Ońtústik Koreıa Úkimetiniń basym baǵyttarynyń biri ındýstrııalyq sektordy jáne koreı kompanııalaryn halyqaralyq naryqqa, onyń ishinde Qazaqstanǵa jumyldyrý ekenin atap ótti.

Kezdesý qorytyndysy boıynsha taraptar dıalogty turaqty negizde júrgizýge kelisti.