Qazaqstan men Ońtústik Koreıa aqparat agenttikteriniń basshylary yntymaqtastyq perspektıvalaryn belgiledi

SEÝL. QazAqparat – «QazAqparat» halyqaralyq aqparat agenttigi men Ońtústik Koreıanyń «Renhap» agenttiginiń basshylary OANA (Azııa-Tynyq muhıt óńiriniń aqparat agenttikteri uıymy) Bas Assambleıasynyń 17-otyrysy aıasynda kezdesý ótkizdi, dep habarlaıdy «QazAqparat» HAA.

«QazAqparat» HAA Bas dırektory Asqar Ýmarov pen «Renhap» basshysy Cho Song bý (Cho Sung-boo) birlesken jobalardy iske asyrý josparlary men perspektıvalardy belgilep, yntymaqtastyq týraly memorandýmnyń sharttaryn jańalady. Kelissóz kezinde eki agenttik arasyndaǵy ekonomıkalyq aqparattar blogyn keńeıtý jáne osy baǵyttaǵy derekter almasýdy keńeıtýdiń jobasy usynyldy.

Cho Song bý myrza Qazaqstan zor jetistikterge jetip otyrǵanyn, ári aqparattyq, ári mádenı-gýmanıtarlyq baǵyttarda ózara tıimdi yntymaqtastyq jasaý úshin mańyzdy el ekenin aıtty.

«QazAqparat» HAA Bas dırektory Asqar Ýmarov Ońtústik Koreıanyń búgingi jetistikterine qýanatynyn tilge tıek etti.

Taraptar halyqaralyq yntymaqtastyqty qoldaýǵa jáne aqparattyq keńistiktegi birlesken jobalardy damytýǵa kelisti.