Qazaqstan men Oman ınvestıtsııa, áýe qatynasy jáne munaı-gaz salasynda jańa kelisimder jasady
ASTANA. KAZINFORM – Táýelsizdik saraıynda Prezıdent Qasym-Jomart Toqaev pen Oman Sultany Haısam ben Tarıq Ál Saıd arasyndaǵy shaǵyn jáne keńeıtilgen quramdaǵy kelissózderden keıin birqatar qujat rásimdeldi.
Atap aıtqanda, Memleketter basshylarynyń qatysýymen mynadaı úkimetaralyq jáne vedomstvoaralyq qujattar almasý rásimi ótti:
- Qazaqstan Respýblıkasy Úkimeti men Oman Sultandyǵy Úkimeti arasyndaǵy ınvestıtsııalardy kótermeleý jáne ózara qorǵaý týraly kelisim;
- Qazaqstan Respýblıkasy Úkimeti men Oman Sultandyǵy Úkimeti arasyndaǵy áýe qatynasy týraly kelisim;
- «Samuryq-Qazyna» AQ men Oman Investment Authority Oman ulttyq ınvestıtsııalyq qory arasyndaǵy birlesken ınvestıtsııalyq qurylym (qor) qurý týraly kelisim;
- «Samuryq-Qazyna» AQ men Oman Investment Authority Oman ulttyq ınvestıtsııalyq qory arasyndaǵy Blue City Rixos birlesken jobasy sheńberindegi negizgi sharttar týraly kelisim;
- Qazaqstan Respýblıkasy Qarjy mınıstrligi men Oman Sultandyǵy Qarjy mınıstrligi arasyndaǵy qarjy salasy boıynsha ózara túsinistik pen yntymaqtastyq týraly memorandým;
- «Atameken» UKP men Oman Sultandyǵy Saýda-ónerkásip palatasy arasynda Qazaqstan-Oman iskerlik keńesin qurý jónindegi ózara túsinistik týraly kelisim;
- «QazMunaıGaz» UK» AQ men OQ Exploration & Production kompanııasy arasyndaǵy geologııalyq barlaý salasy boıynsha strategııalyq yntymaqtastyq týraly kelisim; 8. Eýrazııalyq damý banki men Oman Sultandyǵy Úkimeti arasyndaǵy Eýrazııalyq damý bankiniń Oman Sultandyǵynda qyzmet etý sharttary týraly kelisim.
Buǵan deıin Aqorda Qazaqstan Respýblıkasy men Oman Sultandyǵy arasyndaǵy birlesken málimdemeni jarııalady.
