Qazaqstan men Nıderlandy premer-mınıstrleri Astanada ótetin Іskerlik keńesine daıyndyqty talqylady

ASTANA. QazAqparat - Búgin Qazaqstan Premer-Mınıstri Baqytjan Saǵyntaev nıderlandylyq taraptyń bastamasymen Nıderlandy Premer-Mınıstri Mark Rıýttemen telefon arqyly sóılesti, dep habarlaıdyprimeminister.kz.

Suhbat barysynda ekijaqty saýda-ekonomıkalyq qarym-qatynasty damytýdyń ózekti máseleleri, sonymen qatar, bıyl maýsym aıynda Astanada ótetin Qazaqstan-Nıderlandy Іskerlik keńesiniń úshinshi otyrysyna daıyndyq máseleleri qarastyryldy.  

Sondaı-aq, Qazaqstan Premer-Mınıstri men Nıderlandy Premer-Mınıstri energetıka, aýyl sharýashylyǵy, kólik jáne tranzıt, ǵylym jáne jańa tehnologııalar salasyndaǵy yntymaqtastyq áleýetin talqylady. B. Saǵyntaev jetekshi nıderlandylyq kompanııalardy Qazaqstannyń ındýstrıaldy-ınnovatsııalyq jáne ınfraqurylymdyq damý baǵdarlamalaryn iske asyrý jumystaryna qatysýǵa shaqyrdy.

M. Rıýtte Nıderlandynyń ulttyq pavılony qoıylatyn, Astanada ótetin EKSPO-2017 halyqaralyq mamandandyrylǵan kórmesine qatysýǵa Nıderlandy daıyndyǵyn aıaqtap qalǵanyn aıtty. Nıderlandynyń ulttyq kúnine qatysý úshin EKSPO-ǵa osy eldiń resmı delegatsııasy keledi dep josparlanýda.