Qazaqstan men Nıderlandy arasyndaǵy taýar aınalymy 6 aıda 2,5 mlrd dollarǵa jetti

ASTANA. KAZINFORM – Qazaqstanda Nıderlandy ınvestorlarynyń qatysýymen 681 zańdy tulǵa tirkelgen. Bul týraly Qazaqstan-Nıderlandy birinshi iskerlik keńesinde «Benılıýks» saýda palatasynyń bas dırektory Ánýar Qurjyqaev aıtty.

«2024 jyldyń qańtar-maýsym aılary aralyǵynda eki eldiń arasyndaǵy taýar aınalymy 2,5 mlrd dollardy, onyń ishinde eksport 2,37 mlrd, ımport 168 mln dollardy qurady», - dedi ol.

Saýda palatasy basshysynyń málimetinshe, Qazaqstan Nıderlandyǵa negizinen shıki munaı, munaı ónimderin, ferroqorytpalar, tıtan, óńdelmegen qorǵasyn esporttaıdy. Al Nıderlandy Qazaqstanǵa traktorlar, qurylys konstrýktsııalary, dári-dármekter, gúlder jáne basqa da ósimdikter, elektr generatorynyń qondyrǵylary sııaqty zattardy jetkizedi.

«Qazaqstanda Nıderlandtyń qatysýymen 681 zańdy tulǵa tirkelgen. Kásiporyndardyń kópshiligi munaı-gaz sektorymen, geologııalyq barlaýmen, aýyl sharýashylyǵy mashınalary men jabdyqtaryn jetkizýmen, farmatsevtıka, dári-dármekpen qamtamasyz etýmen, halyq tutynatyn taýarlardy óndirýmen aınalysady. Uzaq jyldar boıy Nıderlandy Qazaqstannyń №1 ınvestory jáne EO tarapynan negizgi saýda seriktesi, sonymen qatar jańa tehnologııalardy mańyzdy jetkizýshilerdiń biri bolyp keledi», - dedi Ánýar Qurjyqaev.

Buǵan deıin Qazaqstan nıderlandtyq ınvestorlarǵa Aqtaý men Quryq porttaryn jańǵyrtýǵa qatysýdy usynǵanyn jazǵan edik.