Qazaqstan men Nıderland syrtqy saıası konsýltatsııalardyń jańa raýndyn ótkizdi
ASTANA. KAZINFORM – Qazaqstan Respýblıkasy Syrtqy ister mınıstrliginde Qazaqstan men Nıderland syrtqy saıası vedomstvolary arasyndaǵy saıası konsýltatsııalardyń jańa kezeńi ótti.
Qazaqstan delegatsııasyn Syrtqy ister mınıstriniń orynbasary Arman Isetov, al Nıderland delegatsııasyn Syrtqy ister mınıstrligi Saıası máseleler jónindegi bas dırektorynyń orynbasary ıÝst Flamand basqardy.
Kezdesý barysynda Arman Isetov atalǵan eldiń Qazaqstan úshin ekijaqty jáne Eýropalyq odaq aıasyndaǵy mańyzdy seriktes ekenin atap ótti. Ol eki eldiń keıingi 30 jyl ishinde ortaq qundylyqtar men maqsattarǵa, ózara qurmet pen senimge negizdelgen turaqty seriktestik ornatqanyn jetkizdi.
Taraptar saıası dıalogty, saýda-ekonomıkalyq jáne ınvestıtsııalyq yntymaqtastyqty talqylap, óńirlik jáne jahandyq ózekti máseleler boıynsha pikir almasty. Vedomstvoaralyq konsýltatsııalardyń kún tártibinde Nıderlandtyń sý resýrstaryn tıimdi basqarý tájirıbesi erekshe nazarǵa alyndy.
Kezdesýdiń nátıjesinde taraptar ekijaqty yntymaqtastyqty ózara qurmet, ashyqtyq jáne pragmatızm qaǵıdattary negizinde odan ári damytýǵa kelisimge keldi. Bul konsýltatsııalar Qazaqstan men Nıderland arasyndaǵy dıplomatııalyq qarym-qatynastardy nyǵaıtýǵa baǵyttalǵan.
Buǵan deıin Qazaqstan Elshisi Nıderland Koroline senim gramotalaryn tapsyrǵanyn habarlaǵan edik.