Qazaqstan men NCOC arasyndaǵy sot protsesi jalǵasyp jatyr
Ekologııa jáne tabıǵı resýrstar mınıstrligi Astana qalalyq ákimshilik ister jónindegi sot alqasyna apellıatsııalyq shaǵym túsirdi. Qazaqstan buǵan deıin sottyń North Caspian Operating Company (NCOC) kompanııasynyń memlekettik organdar tarapynan tekserýge shaǵymy boıynsha talabyn ishinara qanaǵattandyrýyna kelispeıdi, dep habarlaıdy Kazinform.
«Qazirgi ýaqytta sot talqylaýy júrip jatyr», — delingen mınıstrliktiń agenttik resmı saýalyna bergen jaýabynda.
Vedomstvo ótken jyldyń 13 jeltoqsanda North Caspian Operating Company kompanııasyna júrgizilgen tekserý nátıjesinde kúkirttiń normadan tys, 1,02 mln tonna kóleminde saqtalǵanyn eske saldy.
ıAǵnı, ruqsat etilgen 730 myń tonna kúkirttiń ornyna 1 mln 750 myń tonna kúkirt saqtalǵan.
Sonymen qatar tabıǵat qorǵaý sharalarynyń oryndalmaýy, ekologııalyq ruqsatsyz aǵyn sý tógý syndy zańbuzýshylyqtar anyqtalǵan.
Tekserý qorytydysyna oraı NCOC sotqa shaǵymdandy. Sot 10 ekologııalyq zań buzýshylyqtyń 3-eýi boıynsha kompanııa shaǵymyn qanaǵattandyrdy.
Olar: kúkirt blogynda polımer úldirdiń bolmaýy, siltini qaıta qalpyna keltirý qondyrǵysynyń jumys istemeýi, kúkirtti normadan tys jınaý.
«Mınıstrlik sottyń joǵarydaǵy sheshimimen kelispeı, osy jyldyń 22 tamyzynda Astana qalalyq ákimshilik ister jónindegi sot alqasyna apellıatsııalyq shaǵym túsirdi», — dep túsindiredi Ekologııa mınıstrligi.
Buǵan deıin Qazaqstan Qashaǵan operatoryn elimizdiń ekologııalyq normalaryn óreskel buzǵany úshin 2,3 trln nemese 5,1 mlrd dollarǵa sotqa berip jatqanyn jazǵan edik.
Keıinirek munaı alpaýyttary ekologııalyq aıyppulǵa qatysty daýdy sheshý úshin Qazaqstan Úkimetimen kelissóz bastady.
Halyqaralyq Eni, Shell, ExxonMobil jáne TotalEnergies kompanııalary bastapqy talqylaý barysynda shamamen 200 mln dollar mólsherinde aqshalaı ótemaqy usynǵan.
Alaıda Ekologııa jáne tabıǵı resýrstar mınıstrligi bul aqparatty teriske shyǵardy.
«Mınıstrlik Eni, Shell, ExxonMobil jáne TotalEnergies kompanııalarymen kelissóz júrgizgen joq», — dedi vedomstvodan.
NCOC kompanııasy ekologııalyq tekserý júrgizilgenin rastaǵanymen kúkirt saqtaýǵa baılanysty qandaı da bir aıyppul salynǵany týraly aqparattyń joq ekenin málim etti.
«NCOC kompanııasy kúkirtti basqarý qyzmetin jaýapkershilikpen jáne Qazaqstan zańnamasyna saı, sondaı-aq standarttar men aldyńǵy qatarly tájirıbeni qoldana otyryp júzege asyrady. Biz daý-damaıdy sheshýdiń qandaı da bir protsedýrasyna qatysty qosymsha pikir bere almaımyz», — dedi kompanııadan.
