Qazaqstan men Mysyr myńjyldyqtar maqsatyna tabysty qol jetkizý úshin yntymaqtaspaq

ASTANA. QazAqparat - Qazaqstan men Mysyr myńjyldyqtar maqsatyna tabysty qol jetkizý úshin yntymaqtasa jumys istemek. Bul jaıynda Astanadaǵy memlekettik qyzmet salasyndaǵy óńirlik habpen ózara túsinistik jáne yntymaqtastyq memorandýmyna qol qoıý rásimi barysynda Ońtústik-Ońtústik damý jónindegi Mysyr akademııasynyń jobalyq dırektory Mohamed Al Essaýı málim etti, dep habarlaıdy QazAqparat.

«Qazaqstan men Mysyr óńirlik damý turǵysynda jeke-jeke kóp is tyndyrýda. Al endigi ýaqytta biz birlese otyryp, «Ońtústik-Ońtústik» baǵytyn damytýda úlken josparlardy júzege asyrýǵa qol jetkizetin bolamyz. Hab pen Akademııanyń birlesken jumysy qoǵamdyq damytýǵa jáne Myńjyldyqtar maqsatyna qol jetkizý turǵysynda álemdi jaqsarta túsýge septigin tıgizedi», - dedi ol.

Mohamed Al Essaýıdiń atap ótýinshe, Astana óńilik haby men Mysyr Ońtústik-Ońtústik damý jónindegi akademııasy úzdik tájirıbelerin bir-birimen almasatyn bolady.

Aıta keterligi, ózara túsinistik jáne yntymaqtastyq memorandýmyna Qazaqstan tarapynan Astanadaǵy memlekettik qyzmet salasyndaǵy óńirlik habtyń basqarýshy komıtetiniń tóraǵasy Álıhan Báımenov qol qoıǵan bolatyn.

«Ońtústik-Ońtústik yntymaqtastyǵy» termıni damýshy elder arasyndaǵy yntymaqtastyqty belgileý úshin qoldanylady.