Qazaqstan men Mońǵolııa tsıfrlandyrý baǵytynda yntymaqtastyqty nyǵaıtpaq
ASTANA. KAZINFORM - Ulanbatyr qalasyna jumys sapary barysynda Qazaqstannyń tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Mońǵolııanyń tsıfrlyq damý, ınnovatsııalar jáne kommýnıkatsııalar mınıstri Tsendıın Baatarhýý myrzamen kezdesti.
Kezdesýde taraptar yntymaqtastyqtyń negizgi baǵyttaryn, sonyń ishinde ınnovatsııalyq ekojúıeni damytý, startaptarǵa qoldaý kórsetý, tsıfrlyq úkimetti (GovTech) damytý jáne aeroǵarysh salasyndaǵy keleshek múmkindikterdi talqylady.
Madıev seriktestikti nyǵaıtý tsıfrlandyrýdy damytýǵa jáne elder arasynda ozyq tehnologııalarmen almasýǵa septigin tıgizetinin atap ótti.
Mınıstr monǵolııalyq startaptardyń Astana Hub-tyń akseleratsııalyq baǵdarlamalaryna sátti qatysýyn jáne qazaqstandyq startaptardyń Mońǵolııa naryǵyndaǵy qatysýynyń artyp kele jatqanyn atap ótti, bul ekijaqty baılanystardy nyǵaıtýda mańyzdy ról atqarady.
«Tájirıbe almasý men startaptardy qoldaý eki elde de kásipkerlik áleýetti arttyryp, tehnologııalardyń ósýine yqpal etedi», — dedi Mádıev.
Sapar barysynda mınıstr e-Mongolia — 2020 jyly iske qosylǵan bul platforma memlekettik qyzmetterge qoljetimdilikti jeńildetýge arnalǵan platformasymen tanysty. Platforma Mońǵolııa halqynyń 85%-yn qamtıdy. Qazaqstannyń 90%-dan astam memlekettik qyzmetterge onlaın qoljetimdilikti qamtamasyz etetin eGov júıesi yqtımal yntymaqtastyq jáne tájirıbe almasý taqyrybyna aınaldy.
Mádıev Mońǵolııanyń ICT Group sııaqty iri IT naryǵy kóshbasshylarymen, onyń ishinde eń iri jeke aqparattyq júıe operatory ókilderimen kezdesti. ICT Group Mońǵolııa halqynyń 91%-dan astamyn qamtyp, jasandy ıntellekt, blokcheın jáne monǵol tiline arnalǵan tildik modelder ázirleý salalarynda ınnovatsııalar engizýde.
Sonymen qatar, mınıstr monǵol startaptaryn halyqaralyq naryqqa shyǵarýǵa jaǵdaı jasaıtyn jumys oryndaryn usyný, kásibı sertıfıkattaý jáne tsıfrlyq daǵdylardy damytý arqyly qoldaý kórsetetin Mońǵolııanyń Ulttyq aqparattyq tehnologııalar parkine (IT Park) bardy.
Qazaqstan men Mońǵolııanyń tsıfrlandyrý jáne tehnologııalar salasyndaǵy yntymaqtastyǵy turaqty damý jáne halyqaralyq arenada kóshbasshylyqty nyǵaıtý úshin jańa múmkindikter ashýda.
Ózara yntymaqtastyq eki elde de tehnıkalyq quzyretterdi nyǵaıtýǵa jáne jańa tehnologııalardy azamattardyń kúndelikti ómirine tıimdi engizýge yqpal etetin bolady.
«Monǵol tarapy Qazaqstan Respýblıkasynyń elektrondyq úkimetiniń jekelegen sheshimderine erekshe qyzyǵýshylyq tanytty, óıtkeni qurylymdyq jaǵynan eki eldiń parametrleri uqsas jáne bul sheshimder Mońǵolııada da suranysqa ıe bolýy múmkin. Sondaı-aq, Mońǵolııa úkimeti qazirgi ýaqytta tsıfrlyq ekonomıka men jasandy ıntellektke erekshe nazar aýdarýda, bul bizdiń elimiz úshin de qyzyqty bolýy múmkin», — dedi mınıstr Jaslan Madıev.
Osyǵan deıin Prezıdenttiń jol qaýipsizdigin tsıfrlandyrýǵa qatysty zańǵa qol qoıǵany týraly jazdyq.
