Qazaqstan men Mońǵolııa baılanysy: qandaı josparlar bar
ASTANA. KAZINFORM — Byltyr bul kórsetkish 133 mln dollar bolǵan. Bul jóninde QR Premer-mınıstriniń orynbasary — Ulttyq ekonomıka mınıstri Serik Jumanǵarın Qazaqstan-Mońǵolııa bıznes forýmynda málimdedi.
— Biz saýda-ekonomıkalyq baılanystardy belsendi túrde keńeıtýimiz kerek. Ótken jyldyń qorytyndysy boıynsha, Qazaqstan men Mońǵolııa arasynda taýar aınalymy 7%-ǵa ósip, 133 mln dollarǵa jetti. Degenmen, elderimizdiń ekonomıkalyq áleýeti qazirgi kórsetkishterden áldeqaıda joǵary. Biz jaqyn bolashaqta ózara saýda kólemin 500 mln dollarǵa jetkizýge nıettimiz. Osyǵan baılanysty biz taýar aınalymyn odan ári ártaraptandyrýdy jáne jetkiziletin ónim nomenklatýrasyn keńeıtýdi kózdeımiz, — dedi ol.
Sonymen qatar, ózara is-qımyldy tejeıtin kedergiler qysqartylmaq.
Budan bólek, Serik Jumanǵarın EAEO men Mońǵolııa arasynda ýaqytsha saýda kelisimi jasalǵanyn atap ótti.
— Osy baǵyttaǵy mańyzdy qadamdardyń biri — EAEO men Mońǵolııa arasyndaǵy ýaqytsha saýda kelisimine qol qoıyldy. Atalǵan qujatty saýda-ekonomıkalyq baılanystardy keńeıtýge, óndiristik kooperatsııany damytýǵa jáne birlesken bastamalardy iske asyrýǵa jol ashatyn tıimdi qural retinde qarastyramyz, — dedi ol.
Aıta keteıik, buǵan deıin Astana — Ulan-Batyr baǵytynda áýe reısi ashylatynyn jazǵanbyz.