Qazaqstan men Mońǵolııa balýandary birge jattyǵyp jatyr
ASTANA. QazAqparat - Mońǵolııa astanasy Ulanbatyr qalasynda dzıýdoshy qyzdarymyzdyń qatysýymen halyqaralyq oqý-jattyǵý jıyny ótip jatyr, dep habarlaıdy federatsııanyń baspasóz qyzmeti.
Atalǵan málimetke súıensek, birlesken oqý-jattyǵý jıyny naýryzdyń 18-i bastalǵan. Oǵan elimizden biliktiligin shyńdaýǵa 19 dzıýdoshy qyzymyz qatysqan. Osydan bir kún buryn Mońǵolııa dzıýdo federatsııasy qazaq qyzdaryn naýryz merekelerimen quttyqtap, saltanatty túrde dastarhan jaıdy. Mońǵolııa tarapynan kórsetilgen mundaı erekshe yqylasqa qyzdarymyz óz rızashylyǵyn bildirip, quramany bastap barǵan Enhbaatar Dashjamts pen Marat Danaıbaevqa alǵysyn aıtty.
- El ishinen bólek, halyqaralyq dárejedegi oqý-jattyǵý jıyndary sportshylardyń biliktiligin arttyryp, sheteldik sportshylarmen tájirıbe almasady. Bul olardy fızıkalyq jáne taktıkalyq turǵyda myqtylaı túsedi, - deıdi qyzdardan Qazaqstan Ulttyq quramasynyń bapkeri Marat Danaıbaev.
Sondaı-aq, Gúljan Isanova: «halyqaralyq dárejedegi oqý-jattyǵý jıyndaryna qazaqstandyq sportshylardyń qatystyrylýy federatsııa tarapynan atqarylyp jatqan jumystyń jemisi. Shetel sportshylarymen tájirıbe almassaq, úlken týrnırlarda kómegin tıgizbeı qoımaıdy», - deıdi federatsııa basshylyǵyna alǵysyn bildirip.
Esterińizge sala ketsek, Ulttyq qurama osy oqý-jattyǵý jıynynan keıin Tbılısıde ótetin Gran Prı týrnırine qatysady.
