Qazaqstan men Mońǵolııa arasynda tikeleı áýe reısi ashylady
ASTANA. QazAqparat - Aǵymdaǵy jyly "Astana-Ulanbatyr" áýe reısin ashý josparlanyp otyr, dep xabarlaıdy QazAqparat tilshisi.
Qazaqstannyń Mońǵolııadaǵy Tótenshe jáne Ókiletti elshisi Qalybek Qoblandınniń aıtýynsha, qazirgi kezde reısti ashý boıynsha kelissózder júrgizilip jatyr. "Eki el arasyndaǵy kúrdeli problemalardyń biri - kóliktik-logıstıkalyq baılanys. ıAǵnı, tikeleı ushý reısterin ashý qajet. Qazirgi kezde "Astana-Ulanbatyr" áýe reısin ashý boıynsha kelissózder júrgizilip jatyr. Amanshylyq bolsa, osy 2018 jyly eki el arasynda tikeleı áýe reısi ashylady degen jospar bar", - dedi Q.Qoblandın Astanada ótken baspasóz máslıxatynda.
Aıta keteıik, Mońǵolııaǵa aparatyn avtokólik joldary Reseı arqyly ótedi. Búginde "Almaty - Ólgeı" men "Astana-Ólgeı" sııaqty avtobýs qatynastary bar. Budan bólek, "Óskemen-Rıdder-Tashanta" atty qysqa jolmen de qatynaýǵa bolady. Atalǵan baǵytta Qazaqstan Rıdderden Reseı shekarasyna deıingi ýchaskeniń qurylysyn aıaqtady. Alaıda Reseı Federatsııasy Mońǵolııaǵa deıingi joldy bitirmeı otyr. 
