Qazaqstan men Mońǵolııa arasynda jańa avtokólik dálizi salynady
ASTANA. KAZINFORM — Mońǵolııa men Qazaqstan arasyndaǵy eń qysqa avtomobıl jolynyń baǵyty aıqyndalyp, salynyp, paıdalanýǵa beriledi, dep habarlaıdy Montsame.
Ótken aptada Qazaqstanǵa Mońǵolııa Prezıdenti Ý.Húrelsúhtiń memlekettik sapary barysynda Baıan-Ólgeı aımaǵyna qatysty úsh mańyzdy másele boıynsha kelisimge qol jetkizildi. Bul týraly Mońǵolııa Prezıdentiniń sapary barysynda delegatsııa quramynda Qazaqstanǵa kelgen Baıan-Ólgeı aımaǵynyń ákimi E.Zańǵar málimdedi.
Birinshiden, taraptar Baıan-Ólgeı aımaǵy men Qazaqstannyń Óskemen qalasy arasynda tikeleı áýe reısterin qaıta jandandyrý týraly sheshim qabyldap, tıisti kelisimge qol qoıdy. Sonymen qatar Mońǵolııanyń Jol jáne kólik mınıstrligi Baıan-Ólgeı aımaǵyna halyqaralyq áýe reısterin oryndaýǵa ruqsat berdi.
Ekinshiden, taraptar Mońǵolııa men Qazaqstan arasyndaǵy eń qysqa avtomobıl jolynyń baǵytyn aıqyndaý, ony salý jáne paıdalanýǵa berý jóninde kelisim jasasty.
Úshinshiden, taraptar Baıan-Ólgeı aımaǵynda Qazaqstan Respýblıkasynyń konsýldyǵyn ashý jóninde ýaǵdalastyqqa qol jetkizdi.
Eske salsaq, 21 sáýirde Memleket basshysy Qasym-Jomart Toqaev elimizge memlekettik saparmen kelgen Mońǵolııa Prezıdenti Ýhnaagıın Hýrelsúhty qarsy aldy.
Mońǵolııa Qazaqstannan bıdaı ımporty kólemin arttyrýǵa qyzyǵýshylyq tanytty.
Qazaqstan men Mońǵolııa ózara taýar aınalymyn 500 mln dollarǵa jetkizetini habarlandy.
Sapar barsynda Astana-Ulanbatyr arasyndaǵy tikeleı áýe qatynasy qaıta jandanatyny aıtyldy.
