Qazaqstan men Mońǵolııa arasynda tikeleı áýe reısi ashyldy
ASTANA. KAZINFORM — «SCAT Airlines» áýe kompanııasy júzege asyratyn Qazaqstan men Mońǵolııa astanalary arasyndaǵy tikeleı áýe reısiniń saltanatty ashylý rásimi ótti.
Іs-sharaǵa Qazaqstannyń Mońǵolııadaǵy elshisi Almas Seıtaqynov, Mońǵolııa Úkimeti men Uly Memlekettik Hýralynyń ókilderi, eki eldiń avıatsııalyq vedomstvolarynyń qyzmetkerleri, «SCAT Airlines» jáne «Hunnu Air» kompanııalarynyń basshylyǵy, týrıstik agenttikter, isker toptar men Mońǵolııanyń buqaralyq aqparat quraldarynyń ókilderi qatysty.
Óz sózinde Qazaqstan Elshisi Astana men Ulan-Batyr arasyndaǵy tikeleı áýe qatynasynyń ashylýy Qazaqstan Respýblıkasynyń Prezıdenti Qasym-Jomart Toqaevtyń 2024 jyly Mońǵolııaǵa jáne Mońǵolııa Prezıdenti Ýhnaagıın Húrelsúhtiń bıyl Qazaqstanǵa jasaǵan memlekettik saparlary sheńberinde qol jetkizgen ýaǵdalastyqtardyń mańyzdy praktıkalyq nátıjesi ekenin atap ótti.
2026 jylǵy 2 maýsymda iske qosylatyn reıs eki el arasyndaǵy saýda-ekonomıkalyq, týrıstik, gýmanıtarlyq jáne óńiraralyq baılanystardyń odan ári damýyna, sondaı-aq Qazaqstan men Mońǵolııa arasyndaǵy kólik baılanysyn nyǵaıtýǵa yqpal etetini atalyp ótti.
Aıta ketelik Mońǵolııada alǵash ret «Study in Kazakhstan» halyqaralyq bilim kórmesi ótken edi.
