Qazaqstan men Mońǵolııa 13 qujatqa qol qoıdy
ASTANA. KAZINFORM — Qazaqstan men Mońǵolııa prezıdentteri shaǵyn quramda kelissóz júrgizdi. Bul týraly Aqordanyń baspasóz qyzmeti habarlady.
Kelissóz qorytyndysy boıynsha eki eldiń resmı delegatsııa músheleri qol qoıylǵan qujattarmen almasty:
1. Qazaqstan Respýblıkasy Syrtqy ister mınıstrligi men Mońǵolııa Syrtqy ister mınıstrligi arasyndaǵy yntymaqtastyqty odan ári damytý týraly memorandým;
2. Qazaqstan Respýblıkasy men Mońǵolııa arasynda saýda-ekonomıkalyq yntymaqtastyqty jandandyrý jónindegi ózara túsinistik týraly memorandým;
3. Qazaqstan Respýblıkasynyń Atom energııasy jónindegi agenttigi men Mońǵolııa Ónerkásip jáne mıneraldy resýrstar mınıstrligi arasynda atom energııasyn beıbit maqsatta paıdalaný boıynsha ózara túsinistik týraly memorandým;
4. Qazaqstan Respýblıkasy Qarjy mınıstrligi men Mońǵolııa Qarjy mınıstrligi arasyndaǵy ózara túsinistik pen yntymaqtastyq týraly memorandým;
5. Qazaqstan Respýblıkasy Energetıka mınıstrligi men Mońǵolııa Ónerkásip jáne mıneraldy resýrstar mınıstrligi arasyndaǵy munaı salasy boıynsha yntymaqtastyq týraly memorandým;
6. Mádenı-gýmanıtarlyq saladaǵy yntymaqtastyq jónindegi 2026-2027 jyldarǵa arnalǵan is-qımyl jospary;
7. Qazaqstan Respýblıkasy Ulttyq banki men Mońǵolııa Banki arasyndaǵy yntymaqtastyq týraly memorandým;
8. «Samuryq-Qazyna» UÁQ» AQ men «Erdenes Mongol LLC» kompanııasy arasyndaǵy ózara túsinistik týraly memorandým;
9. Astana qalasynyń ákimdigi men Qaraqorym qalasynyń ákimshilik apparaty arasyndaǵy ózara túsinistik týraly memorandým («Jańa Qaraqorym» jobasy);
10. Alataý qalasynyń ákimdigi men Qaraqorym qalasynyń ákimshilik apparaty arasyndaǵy ózara túsinistik týraly memorandým («Jańa Qaraqorym» jobasy);
11. Qazaqstan Respýblıkasy Prezıdentiniń teleradıokesheni men Mońǵolııanyń Ulttyq qoǵamdyq radıo jáne teledıdary arasyndaǵy ózara túsinistik jáne yntymaqtastyq týraly memorandým;
12. Qazaqstan Respýblıkasy Prezıdentiniń janyndaǵy Qazaqstan Respýblıkasynyń Ulttyq ǵylym akademııasy men Mońǵolııa Ǵylym akademııasy arasyndaǵy ózara túsinistik jáne yntymaqtastyq týraly memorandým;
13. Shoqan Ýálıhanov atyndaǵy Tarıh jáne etnologııa ınstıtýty men Mońǵolııanyń «Shyńǵyshan» Ulttyq mýzeıi arasyndaǵy ózara túsinistik jáne yntymaqtastyq týraly memorandým.
Aıta ketelik Qazaqstan men Mońǵolııa ózara taýar aınalymyn 500 mln dollarǵa jetkizetini týraly jazǵan edik.