Qazaqstan men Moldovanyń ulttyq quramalar arasynda fýtboldan joldastyq kezdesý ótedi
ALMATY. Jeltoqsannyń 30-y. QazAqparat /Erlik Erjanuly/ - Qazaqstan men Moldovanyń fýtbol federatsııalary eki eldiń ulttyq quramalar arasynda naýryzdyń 3-i kúni Túrkııada joldastyq kezdesý ótkizýge ýaǵdalasty,
dep habarlaıdy QazAqparat QFF Internet saıtyna silteme jasap.
Bul Bernd Shtork jattyqtyratyn ulttyq quramanyń 2010 jylǵy maýsymdaǵy eń alǵashqy joldastyq kezdesýi bolmaq. Jalpy eki eldiń fýtbolshylary buǵan deıin de 2008 jyly aqpannyń 6-sy kúni Túrkııanyń Antalııa qalasyndaǵy "Tıtanık" sport kesheninde kezdesken bolatyn. Aqpannyń 1-12 aralyǵynda ótken oqý-jattyǵý jıyny kezinde avstrııalyq tóreshiler qazylyq etken bul oıynda burynǵy bas bapker Arno Paıpersten tálim alǵan qazaqstandyq aıaq dopshylar Nıkolaı Kalancha qorǵaǵan qarsylastar qaqpasynyń kiltin taba almady. Moldovalyqtar sapynan kezdesýdiń 10-shy mınýtynda Aleksandr Mokındi qapy qaldyrǵan №10 Igor Býgaev óz komandasyna jeńis syılady. Bul oıynda el namysyn Aleksandr Mokın, Samat Smaqov, Aleksandr Kýchma, Maksım Jalmaǵambetov, Qaırat Nurdáýletov, Rýslan Baltıev, Ulyqbek Asanbaev, Sergeı Ların, Andreı Karpovıch, Denıs Rodınov, Murat Súımaǵambetov, Sergeı Ostapenko, Nurbol Jumasqalıev jáne Dmıtrıı Bıakov qorǵaǵan bolatyn.
