Qazaqstan men Moldovanyń syrtqy ister mınıstrleri telefon arqyly sóılesti
ASTANA. KAZINFORM – Moldova tarapynyń bastamasymen Qazaqstan Respýblıkasynyń Syrtqy ister mınıstri Ermek Kósherbaev pen Moldova Respýblıkasy Premer-mınıstriniń orynbasary – Syrtqy ister mınıstri Mıhaı Popshoı arasynda telefon arqyly sóılesti.
Popshoı áriptesin taǵaıyndalýymen jyly quttyqtap, jańa qyzmetinde tabys tiledi. Qazaqstan SІM basshysy quttyqtaýy úshin alǵysyn bildirip, Astana men Kıshınev arasyndaǵy dostyq qatynastardy jan-jaqty tereńdetýge qazaq tarapynyń beıildi ekenin atap ótti.
Suhbat barysynda ekijaqty jáne kópjaqty formattardaǵy Qazaqstan-Moldova yntymaqtastyǵynyń qazirgi jaı-kúıi men damytý perspektıvalary, sondaı-aq bıik jáne joǵary deńgeılerde qol jetkizilgen ýaǵdalastyqtardyń iske asyrylý barysy talqylandy.
Taraptar ekijaqty seriktestikti odan ary nyǵaıtý maqsatynda syrtqy saıası vedomstvolar arasyndaǵy tyǵyz ózara is-qımyldy jalǵastyrýǵa ózara daıyndyǵyn rastady.
Eske sala keteıik, Ermek Kósherbaevtyń Qytaı Halyq Respýblıkasynyń Qazaqstandaǵy Elshisin qabyldaǵanyn jazǵan edik.