Qazaqstan men Moldova saýda-ekonomıkalyq jáne ınvestıtsııalyq baılanystardy keńeıtpek
ASTANA. KAZINFORM — Qazaqstannyń Moldovadaǵy elshisi Almat Aıdarbekov Respýblıkanyń premer-mınıstri Vasıle Tofanmen kezdesti, dep habarlaıdy QR SІM baspasóz qyzmeti.
Kezdesý barysynda taraptar qazaq-moldova qatynastarynyń ózekti máseleleri men olardy odan ári damytý perspektıvalary jóninde pikir almasty.
Qazaqstan elshisi V. Tofandy premer-mınıstr qyzmetine taǵaıyndalýymen quttyqtap, memlekettik qyzmetine tabys tiledi.
— Moldova premer-mınıstri eki el arasyndaǵy, ásirese saýda, ekonomıka jáne ınvestıtsııa salalaryndaǵy yntymaqtastyqty odan ári damytýǵa daıyn ekenin aıtty. Sondaı-aq naqty birlesken jobalardy júzege asyrýǵa múmkindik mol ekenin atap ótti, — delingen habarlamada.
Osyǵan baılanysty eki eldiń isker toptary arasyndaǵy baılanystardy jandandyrý jáne birlesken jobalardy iske asyrýdyń mańyzdylyǵy týraly aıtyldy.
Elshi premer-mınıstrge Qazaqstandaǵy qazirgi saıası ózgerister, onyń ishinde Qazaqstan Respýblıkasynyń jańa Konstıtýtsııasynyń kúshine enýi, sondaı-aq Quryltaı saılaýy týraly aqparat berdi.
Kezdesý qorytyndysy boıynsha taraptar turaqty saıası dıalogty saqtaýdyń jáne ekijaqty qatynastardy praktıkalyq turǵydan odan ári damytýdyń mańyzdylyǵyn atap ótti.
Buǵan deıin Qazaqstan men Moldova konsýldyq saladaǵy yntymaqtastyqty keńeıtetinin jazdyq.
