Qazaqstan men Majarstan ortaq bastamalardy júzege asyrýdy kózdeıtin Birlesken málimdeme qabyldady

BÝDAPEShT. KAZINFORM — Kelissóz qorytyndysy boıynsha Qazaqstan men Majarstannyń strategııalyq seriktestigin odan ári nyǵaıtýdy jáne ortaq bastamalardy júzege asyrýdy kózdeıtin Birlesken málimdeme qabyldandy

Sonymen qatar Qazaqstan men Majarstannyń resmı delegatsııa músheleri mynadaı qujattarǵa qol qoıdy:

1. Qazaqstan Respýblıkasynyń Syrtqy ister mınıstrligi men Majarstannyń Syrtqy ekonomıkalyq baılanystar jáne syrtqy ister mınıstrligi arasyndaǵy konsýldyq máseleleri boıynsha yntymaqtastyq jónindegi ózara túsinistik týraly memorandým;

2. «Samuryq-Qazyna» ulttyq ál-aýqat qory» aktsıonerlik qoǵamy men Majarstannyń «National Capital Holding» ulttyq kompanııasy arasyndaǵy birlesken ınvestıtsııalyq jobalardy júzege asyrý jónindegi yntymaqtastyq týraly kelisim;

3. Qazaqstan Respýblıkasynyń Aýyl sharýashylyǵy mınıstrligi, «Kazakh Invest» jáne «UBM Group» kompanııalary arasyndaǵy Qazaqstanda qurama jem jáne premıks óndirisi jobasyn iske asyrý jónindegi úshjaqty negizdemelik kelisim;

4. «Qazaqstan temir joly» ulttyq kompanııasy» aktsıonerlik qoǵamy (Qazaqstan), L.A.S Holding (Majarstan) jáne Xi'an Free Trade Port Construction and Operation Co (Qytaı) arasyndaǵy yntymaqtastyq týraly memorandým;

5. «QazMunaıGaz» ulttyq kompanııasy» aktsıonerlik qoǵamy men Majarstannyń «MOL GROUP» kompanııasy arasyndaǵy yntymaqtastyqty keńeıtý týraly memorandým;

6. Qazaqstan Respýblıkasynyń Qarjy naryǵyn retteý jáne damytý agenttigi men Majarstannyń Ulttyq banki arasyndaǵy bank salasyndaǵy ózara túsinistik týraly memorandým.