Qazaqstan men Majarstan arasyndaǵy saýda aınalymy bir jylda 30 paıyzǵa artty

BÝDAPEShT. QazAqparat - Ulttyq ekonomıka mınıstri Majarstanǵa jumys sapary aıasynda Qazaqstan-Majarstan iskerlik keńesiniń otyrysyna qatysty, dep habarlaıdy QazAqparat.

Álibek Qýantyrov óz sózinde Qazaqstan Majarstanmen ekonomıkalyq qatynasty joǵary baǵalaıtynyn atap ótti.

«QR Majarstandy Eýropalyq odaqtaǵy mańyzdy perspektıvalyq áriptes retinde qarastyrady. Búgingi tańda elderimiz arasynda turaqty jáne qarqyndy damyp kele jatqan saýda-ekonomıkalyq baılanys qalyptasqanyn senimmen aıta alamyz», - dedi ol.

2022 jylǵy qańtar-qarashada Qazaqstan men Majarstan arasyndaǵy saýda kólemi 29,1% ósip, $158,7 mln qurady.​

«Bizde yntymaqtastyqty damytýdyń zor áleýeti bar. Atap aıtqanda, qarjy salasynda, onyń ishinde «Astana» halyqaralyq qarjy ortalyǵynda, aýyl sharýashylyǵy, energetıka, júk-jolaýshylar áýe tasymaly, IT, ekologııa, gýmanıtarlyq salada aıtarlyqtaı perspektıvalardy kórip otyrmyz», - dedi mınıstr.​

Sondaı-aq, UEM basshysy Qazaqstandaǵy aǵymdaǵy ekonomıkalyq jaǵdaı týraly aıtyp berdi.

​«Syrtqy jaǵymsyz faktorlarǵa qaramastan 2022 jyly el ekonomıkasy 3,1%-ǵa ósti. Ótken jylǵy qańtar-qarashada syrtqy saýda aınalymy 34% artyp, $122,2 mlrd qurady», - dep naqtylady Á.Qýantyrov.

​Mınıstr ınvestıtsııalyq ahýaldy jaqsartý boıynsha júrgizilip jatqan jumysqa jeke toqtaldy.

​«Qoldanystaǵy zańnama sheńberinde ınvestorlarǵa memlekettik qoldaýdyń keń sharalary – salyqtyq jeńildikter, kedendik bajdardan bosatý túrindegi preferentsııalar, zattaı grant beriledi. 73 eldiń azamattary Qazaqstanǵa vızasyz kire alady. Majarstan osy elderdiń qatarynda. Bıyl Qazaqstan jahandyq básekege qabilet reıtınginde TOP-43 eldiń qataryna endi. Úkimet QR ınvestıtsııalyq saıasatynyń 2026 jylǵa deıingi tujyrymdamasyn qabyldady. Ol ınvestıtsııa tartý saıasatyn qaıta qaraý jónindegi sharalar keshenin kózdeıdi», - dep qorytyndylady Ulttyq ekonomıka mınıstri.

Іskerlik keńes alańynda UEM basshysy birqatar ekijaqty kezdesýler ótkizdi.

Kelissóz barysynda QR Ulttyq ekonomıka mınıstri Álibek Qýantyrov pen Majarstannyń qarjy mınıstri Mıhaı Varga yntymaqtastyq máselelerin talqylady.

Atap aıtqanda, ózara taýar aınalymyn arttyrý, ınvestıtsııa kólemin ulǵaıtý jáne bilim berýdi damytý máseleleri qarastyryldy.

Sondaı-aq, Á.Qýantyrov Majarstannyń Ekonomıkalyq damý mınıstrligi óndiristik saıasat jáne tehnologııalar jónindegi memlekettik hatshysy Gergeı Fabıanmen kezdesti.

Taraptar ekonomıkalyq reformalar, tarıftik saıasat jáne kásipkerlikti damytýǵa qatysty pikir almasty.

Foto: t.me/presseconomy