Qazaqstan men Maldıv araldary arasyndaǵy áýe reısteriniń sany eki ese artady

ASTANA. KAZINFORM — Monreal qalasynda (Kanada) ótken IKAO-nyń Áýe kóligi jónindegi jetinshi dúnıejúzilik konferentsııasy (ATConf/7) aıasynda QR Kólik mınıstrligi Azamattyq avıatsııa komıtetiniń tóraǵasy Saltanat Tompıeva men Maldıv Respýblıkasy Azamattyq avıatsııa basqarmasynyń tóraǵasy Abdýl Harıs myrzanyń kezdesýi ótti.

Irannyń ońtústigindegi áýejaıda áýe qatynasy qaıta jandandy
Foto: pexels

Kezdesý barysynda eki el arasyndaǵy eki jaqty yntymaqtastyqty odan ári nyǵaıtý, áýe qatynasy men týrıstik baılanystardy keńeıtý perspektıvalary talqylandy.

QR Azamattyq avıatsııa komıteti málimetine sáıkes kelissóz qorytyndysy boıynsha ár taraptyń taǵaıyndalǵan áýe tasymaldaýshylary úshin ruqsat etilgen turaqty reıster sanyn aptasyna 7-den 14-ke deıin ulǵaıtý týraly ýaǵdalastyqqa qol jetkizildi.

Qazaqstan men Maldıv araldary elder arasyndaǵy áýe reısteriniń sanyn eki esege arttyrýǵa kelisti
Foto: QR Azamattyq avıatsııa komıteti

Taraptar sondaı-aq «áýe erkindiginiń» besinshi dárejeli quqyqtaryn paıdalana otyryp ushýlardy oryndaý múmkindigin talqylady, bul áýe kompanııalaryna halyqaralyq baǵyttardy uıymdastyrý kezinde qosymsha kommertsııalyq múmkindikterdi qarastyrýǵa jol ashady. Maldıv araldary qazaqstandyqtar arasynda tanymal demalys baǵyttarynyń biri bolyp sanalady, bul óz kezeginde áýe qatynasyn damytýǵa qosymsha alǵysharttar jasaıdy.

Qazaqstan men Maldıv araldary elder arasyndaǵy áýe reısteriniń sanyn eki esege arttyrýǵa kelisti
Foto: QR Azamattyq avıatsııa komıteti

Taraptar azamattyq avıatsııa salasyndaǵy áriptestikti odan ári nyǵaıtýǵa jáne yntymaqtastyqty keńeıtýge ózara múddelilikterin rastady.

Maldıv araldary týrıstik deklaratsııany toltyrý tártibin ózgertkenin jazǵan edik.