Qazaqstan men Malaızııa kıberqaýipsizdik máselelerin talqylady
ASTANA. QazAqparat -Qazaqstan Respýblıkasynyń Malaızııadaǵy Elshisi Danııar Sarekenov «CyberSecurity Malaysia» ulttyq agenttiginiń bas atqarýshy dırektory Amırýddın Vahabpen kezdesý ótkizdi. Bul týraly QazAqparat SІM baspasóz qyzmetine silteme jasap habarlaıdy.
Kezdesý barysynda, ulttyq qaýipsizdikti qamtamasyz etýdiń mańyzdy sharty retinde Qazaqstannyń kıberkeńistiginiń qaýipsizdigin qalyptastyrýda malaızııalyq tájirıbeni qoldaný men zertteýdegi áriptestikti damytý máselesi kóterildi. «CyberSecurity Malaysia» uıymymen yntymaqtastyq kıberqylmyspen kúres jáne «Qazaqstannyń Kıberqorǵan» júıesin qurý týraly mindetterdi júzege asyrý aıasynda ózekti bolyp tabylady delindi.
Bul agenttik Malaızııanyń ǵylym, tehnologııa jáne ınnovatsııa Mınıstrliginiń qurylymdyq bólimshesi bolyp tabylady (MOSTI).
A.Vahab Qazaqstan tarapyna ú.j. 23-26 mamyrda Astanada ótken «KADEX-2018», V Halyqaralyq qarý-jaraq jáne áskerı-tehnıkalyq múlik kórmesine shaqyrǵany úshin alǵys bildirip, spıker esebinde qatysýǵa daıyn ekendigin jetkizdi. Budan bólek, bas atqarýshy dırektor 2019 jyly Astana qalasynda kıberqaýipsizdik máseleleri men onyń aldyn alý joldaryn jáne ádisterin talqylaýǵa arnalǵan Islam áriptestik uıymynyń «OIC-CERT» halyqaralyq konferentsııa ótkizý múmkindigin qarastyrýdy usyndy.
Anyqtama: «OIC-CERT» maqsaty - kıberqaýipsizdik máseleleri boıynsha áriptestik múmkindikterin qarastyrý jáne birlesken bastamalardy damytý maqsatynda alańqaı usyný. Konferentsııa kıberqylmysqa qarsy kúres jáne kıbershabýyldardy der kezinde toıtarýǵa qajetti tıimdi ádisterdi qoldaný baǵytyndaǵy tájirıbe almasatyn alań bolyp tabylady.
