09:11, 04 Qazan 2022 | GMT +6
Qazaqstan men Maldıv arasynda turaqty avıareıster qatynaıdy
ASTANA. QazAqparat – Qazaqstan jáne Maldıv Respýblıkalary arasynda turaqty avıareıster qatynaıdy. Bul týraly QR Indýstrııa jáne ınfraqurylymdyq damý mınıstrligi Azamattyq avıatsııa komıtetinen málim etti, dep habarlaıdy QazAqparat.
«Halyqaralyq azamattyq avıatsııa uıymy (IKAO) assambleıasynyń 41-shi sessııasy sheńberinde Qazaqstan men Maldıv Respýblıkasy arasynda turaqty reısterdi oryndaý úshin quqyqtyq baza quryldy.
Buǵan deıin elder arasynda quqyqtyq bazanyń bolmaýyna baılanysty tek charterlik reıster oryndalǵan bolatyn.
Maldıv tarapynan qujatqa Kólik jáne azamattyq avıatsııa mınıstri Aıshat Nahýla hanym, Qazaqstan tarapynan Azamattyq avıatsııa komıtetiniń tóraǵasy Talǵat Lastaev qol qoıdy», - delingen málimette.
Qol qoıylǵan qujat árbir tarap úshin aptasyna 7 turaqty reısti oryndaý múmkindigin kózdeıdi.
