Qazaqstan men Makao azamattary endi elge vızasyz kire alady
ASTANA. KAZINFORM – 24 qazanda Qazaqstan Respýblıkasynyń Úkimeti men Qytaı Halyq Respýblıkasynyń Makao arnaıy ákimshilik aýdanynyń Úkimeti arasyndaǵy vızalyq talaptardan ózara bosatý týraly kelisim óz kúshine endi. Bul týraly QR SІM baspasóz qyzmeti málimdedi.
«Kelisim qoldanystaǵy ulttyq pasporttary bar eki taraptyń azamattaryna 14 (on tórt) kúntizbelik kún ishinde vızasyz bir-biriniń aýmaǵyna kedergisiz kirýge, shyǵýǵa, tranzıtpen júrýge jáne bolýǵa múmkindik beredi», — delingen habarlamada.
Alaıda, vızasyz rejım eńbek qyzmetine, oqýǵa jáne turaqty turýǵa qoldanylmaıtynyn este ustaǵan jón.
Eger Makao aýmaǵynda 14 kúnnen artyq júrýdi josparlasańyz, tıisti kirý vızasyn aldyn ala rásimdeý qajet.
Bul kelisim týrıstik, iskerlik jáne mádenı baılanystardy damytý úshin jańa kókjıekter ashady.
Eske sala keteıik, buǵan deıin Qytaı Eýroodaqtyń tórt eline vızasyz rejım engizgenin habarlaǵan bolatynbyz.
