Qazaqstan men MAGATE 2036 jylǵa deıingi yntymaqtastyq jol kartasyn ázirlep jatyr
ASTANA. KAZINFORM — Qazaqstan International Atomic Energy Agency bas dırektory Rafael Grossıdiń 2026 jylǵy 25–27 mamyrǵa josparlanǵan saparyna daıyndalyp jatyr.
Sapar aıasynda joǵary deńgeıdegi kelissózder ótkizý jáne yntymaqtastyqqa qatysty jańa qujattarǵa qol qoıý josparlanǵan.
Qazaqstan Respýblıkasy Syrtqy ister mınıstrliginiń resmı ókili Erlan Jetibaev aldaǵy kelisimder Qazaqstan men MAGATE arasyndaǵy ózara is-qımylǵa qosymsha serpin beretinin aıtty.
— Sapar barysynda joǵary deńgeıdegi kezdesý jáne MAGATE-men 2026–2036 jyldarǵa arnalǵan yntymaqtastyqty tereńdetý jónindegi jol kartasyna qol qoıý josparlanyp otyr, — dedi ol.
Onyń aıtýynsha, qujat uzaq merzimdi kezeńdegi ózara yqpaldastyqtyń negizgi baǵyttaryn aıqyndaıdy.
Atap aıtqanda, onda ıadrolyq qaýipsizdik jáne ǵylymı-tehnıkalyq yntymaqtastyqty damytý máseleleri qamtylady.
Syrtqy ister mınıstrliginde MAGATE basshysynyń sapary atom energııasyn beıbit maqsatta paıdalaný salasyndaǵy Qazaqstannyń halyqaralyq seriktestigin nyǵaıtý úshin strategııalyq mańyzǵa ıe ekeni atap ótildi.
Buǵan deıin Qazaqstan Vienna qalasynda ótken MAGATE-niń ıadrolyq qaýipsizdik jónindegi 10-shy sholý keńesinde Ulttyq baıandamasyn tanystyrǵan bolatyn.
