Qazaqstan men Lıtva tikeleı áýe qatynasyn ashýdy josparlap otyr

VILЬNıÝS. QazAqparat - Vılnıýs qalasynda Qazaqstan Respýblıkasy men Lıtva Respýblıkasy arasyndaǵy Týrızm jónindegi jumys tobynyń otyrysy ótti. Qazaqstan delegatsııasyn QR Mádenıet jáne sport vıtse-mınıstri Erjan Erkinbaev, Lıtva Respýblıkasynyń tobyn – Lıtva Respýblıkasynyń Ekonomıka jáne ınnovatsııalar vıtse-mınıstri Vıntsas ıÝrgýtıs basqardy, dep habarlaıdy QazAqparat atalǵan vedomstvoǵa silteme jasap.

Eki el ókilderiniń kezdesýi týrızm salasyndaǵy ekijaqty yntymaqtastyqtyń keleshegin talqylaýǵa arnaldy.

Taraptar áńgime barysynda atap ótkendeı, týrızmdegi birlesken qyzmetti odan ári nyǵaıtý - Qazaqstan men Lıtvanyń ortaq maqsaty.

Lıtva tarapy 2021 jyly elge 2,5 mıllıon týrıst kelgenin atap ótti, bul 2020 jylmen salystyrǵanda 16% artyq.

Óz kezeginde qazaqstandyq ókilder elimizge kelýshiler birtindep artyp jatqanyn habarlady. 2022 jyldyń qorytyndysy boıynsha sheteldik týrıster sany 4,7 mln asqan.

Bul ótken jylǵy kórsetkishten 3 ese artyq.

E. Erkinbaev elimizde sheteldik týrısterdiń ósýine salany memlekettik qoldaý men tsıfrlandyrýdyń buryn-sońdy bolmaǵan is-sharalary belsendi túrde yqpal etetinin atap ótti.

Búgingi tańda Qazaqstanda týrısterdi tirkeý, týrıstik aǵymdy taldaý jáne e-qonaq kóshi-qon baqylaýyn júzege asyrýǵa arnalǵan biryńǵaı aqparattyq júıesi men saıahatshylarǵa arnalǵan kazakhstan.travel portaly jumys isteıdi.

«Portalda aqparat 8 tilde usynylǵan. Onda oqıǵalar kúntizbesi, týrıstik nysandar týraly tyń málimetter, MICE bólimi, fotobank bólimi, marketpleıs, týrıstik agenttikterdiń, gıdterdiń, qolónershilerdiń reestri syndy bólikter bar»,-dep tolyqtyrdy QR Mádenıet jáne sport vıtse-mınıstri.

Otyrys qorytyndysy boıynsha eki el ókilderi elder arasynda tikeleı áýe qatynasyn ashý, týrızm maqsatynda Lıtvaǵa kirý úshin Qazaqstan azamattarynyń vızasyz rejım júıesimen júrýi, týrıstik áleýet týraly ımıdjdik materıaldardy ilgeriletý máselelerin pysyqtaýdy jalǵastyrýǵa kelisti.

Sondaı-aq, taraptar Almaty qalasynyń Shymbulaq kýrortynda Lıtva týrızmi kúnderin jáne Vılnıýs qalasynda Qazaqstan týrızmi kúnderin ótkizýdi josparlap otyr.

Foto: gov.kz