Qazaqstan men Lıtva kólik-logıstıka salasyndaǵy yntymaqtastyqty kúsheıtpek
ASTANA. KAZINFORM — Qazaqstannyń Syrtqy ister mınıstri Ermek Kósherbaev Lıtva Respýblıkasynyń Astanadaǵy Elshisi Egıdııýs Navıkasty qabyldady.
Vedomstvonyń baspasóz qyzmetiniń málimetine sáıkes, kezdesý barysynda taraptar ekijaqty jáne halyqaralyq alańdardaǵy Qazaqstan men Lıtva yntymaqtastyǵynyń jaı-kúıi men perspektıvalaryn talqylady.
Sonymen qatar, saýda-ekonomıkalyq baılanystardy keńeıtý, sondaı-aq kólik jáne logıstıka salalaryndaǵy is-qımyldy jandandyrý máselelerine aıryqsha nazar aýdaryldy.
Mınıstr Ermek Kósherbaev Lıtvanyń elimiz úshin Baltyq óńirindegi mańyzdy seriktesi ekenin atap ótip, Vılnıýspen ózara tıimdi jáne syndarly yntymaqtastyqtyń odan ári damı beretinine senim bildirdi.
Elshi Egıdııýs Navıkas onyń mıssııasyna kórsetilip jatqan qoldaý úshin rızashylyǵyn jetkizip, eki el arasyndaǵy ózara is-qımyldy jalǵastyrýǵa daıyndyǵyn málimdedi.
Kezdesý qorytyndysy boıynsha taraptar saıası dıalogty odan ári tereńdetýge, praktıkalyq yntymaqtastyqty keńeıtýge jáne túrli deńgeılerde turaqty baılanystardy jalǵastyrýǵa ózara múddeliligin rastady.
Budan buryn Memleket basshysy Lıtva Prezıdentine quttyqtaý jedelhatyn joldaǵanyn jazdyq.
