Qazaqstan men Latvııa uıymdasqan qylmysqa birlesip kúrespek

***

Qazaqstan Respýblıkasynyń Úkimeti men Latvııa Respýblıkasynyń Úkimeti arasyndaǵy Terrorızmge, esirtki jáne psıhotroptyq zattardyń, prekýrsorlardyń zańsyz aınalymyna jáne uıymdasqan qylmysqa qarsy kúrestegi yntymaqtastyq týraly kelisimdi bekitý týraly

Qazaqstan Respýblıkasy Úkimetiniń 2018 jylǵy 9 shildedegi № 412 qaýlysy

      Qazaqstan Respýblıkasynyń Úkimeti QAÝLY ETEDІ:

      1. Qosa berilip otyrǵan 2004 jylǵy 8 qazanda Astanada jasalǵan Qazaqstan Respýblıkasynyń Úkimeti men Latvııa Respýblıkasynyń Úkimeti arasyndaǵy Terrorızmge, esirtki jáne psıhotroptyq zattardyń, prekýrsorlardyń zańsyz aınalymyna jáne uıymdasqan qylmysqa qarsy kúrestegi yntymaqtastyq týraly kelisim bekitilsin.

      2. Osy qaýly qol qoıylǵan kúninen bastap qoldanysqa engiziledi.

Qazaqstan Respýblıkasynyń Úkimeti men Latvııa Respýblıkasynyń Úkimeti arasyndaǵy Terrorızmge, esirtki jáne psıhotroptyq zattardyń, prekýrsorlardyń zańsyz aınalymyna jáne uıymdasqan qylmysqa qarsy kúrestegi yntymaqtastyq týraly KELІSІM

      Budan ári Taraptar dep atalatyn Qazaqstan Respýblıkasynyń Ykimeti men Latvııa Respýblıkasynyń Ykimeti

      terrorızmge, esirtki jáne psıhotroptyq zattardyń, prekýrsorlardyń zańsyz aınalymyna jáne uıymdasqan qylmystarǵa qarsy kúres maqsatynda yntymaqtastyqtyń mańyzy zor ekendigine kóz jetkize otyryp,

      esirtki jáne psıhotroptyq zattardyń, prekýrsorlardyń zańsyz aınalymynyń, olardy teris paıdalaný úrdisine ósýine alańdaýshylyq bildire otyryp,

      terrorızmge qarsy birlesip kúres júrgizýge ózderiniń nıetterin rastaı otyryp, zańsyz kóshi-qonǵa jáne ekonomıka salasyndaǵy qylmystarǵa qarsy kúres jóninde tıimdi sharalar qabyldaýǵa nıet bildire otyryp,  tómendegiler týraly kelisti:

1-bap

      Eger Taraptar memleketteriniń aýmaǵynda qylmys jasalatyn nemese olarǵa daıyndyq júrgiziletin bolsa, Taraptar óz memleketteriniń ulttyq zańnamasyna sáıkes terrorızmge, esirtki jáne psıhotroptyq zattardyń, prekýrsorlardyń zańsyz aınalymyna, uıymdasqan qylmysqa qarsy kúres salasyndaǵy yntymaqtastyqty júzege asyrady.

2-bap

      Terrorızmniń kez kelgen kórinisterine qarsy kúresý úshin Taraptar óz memleketteriniń ulttyq zańnamasyna sáıkes, sondaı-aq osy Kelisimniń erejelerine oraı:

      1. terrorızmniń josparlanǵan jáne jasalǵan aktileri týraly, terrorıstik uıymdar men toptar týraly, sondaı-aq osyndaı qylmystarǵa qatysatyn adamdar týraly, osyndaı qylmystardy jasaýdyń nysandary men ádisteri jáne paıdalanylatyn quraldary týraly aqparat, sondaı-aq terrorızmge qarsy kúresý men Taraptardyń qoǵamdyq jáne memlekettik qaýipsizdigine qater tóndiretin qylmystardyń jolyn kesý úshin qajetti málimetter almasady;

      2. terrorıstik uıymdar men terrorıstik qyzmetke qatysy bar adamdarǵa qoldaý kórsetý, onyń ishinde qarjylandyrý kózderi týraly aqparat almasady;

      3. qarýdy, oq-dárilerdi, áskerı tehnıkany, jarylǵysh jáne ýly zattardy, ıadrolyq jáne radıoaktıvti materıaldardy zańsyz satýmen aınalysatyn adamdar men uıymdar týraly, sondaı-aq olardy Taraptar memleketteriniń aýmaqtary boıynsha ótkizý arnalary týraly aqparat almasady;

      4. Taraptardyń bireýiniń suraý salýy boıynsha terrorıstik sıpattaǵy qylmystardyń aldyn alýǵa, anyqtaýǵa, jolyn kesýge baǵyttalǵan jedel is-sharalardy ótkizedi;

      5. terrorızmge qarsy kúres, terrorıstik kórinisterge qarsy is-qımyldyń nysandary men ádisterine qatysty tájirıbe almasý máseleleri boıynsha birlesken jumys babyndaǵy kezdesýler men konsýltatsııalar ótkizedi.

3-bap

      Quramynda esirtki jáne psıhotroptyq zattar bar ósimdikterdi, prekýrsorlardy zańsyz ósirýdiń, esirtki jáne psıhotroptyq zattardy, prekýrsorlardy óndirýdiń, saqtaýdyń, ótkizýdiń, olardy tranzıtteý men taratýdyń, olardy daıyndaý úshin paıdalanylatyn quraldardyń jáne jabdyqtardyń zańsyz aınalymynyń jolyn kesý úshin Taraptar óz memleketteriniń ulttyq zańnamasy negizinde:

      1. esirtki jáne psıhotroptyq zattardyń, prekýrsorlardyń zańsyz aınalymyna tartylǵan adamdar týraly; osy adamdardyń jasyryn baspanalary, kólik quraldary jáne jumys ádisteri týraly; esirtki jáne psıhotroptyq zattardyń, prekýrsorlardyń shyǵarylǵan jeri men arnalymy týraly, sondaı-aq esirtki jáne psıhotroptyq zattarmen, prekýrsorlarmen baılanysty qylmystardyń aldyn alýǵa jáne jolyn kesýge qajetti ózge de aqparatty almasady;

      2. esirtki jáne psıhotroptyq zattardyń, prekýrsorlardyń zańsyz aınalymy ádisteri týraly aqparat almasady;

      3. esirtki jáne psıhotroptyq zattardyń, prekýrsorlardyń zańsyz aınalymyna jáne olardy teris paıdalanýǵa baılanysty qylmystar boıynsha krımınalıstıkalyq jáne krımınologııalyq zertteýler nátıjelerimen almasady;

      4. teris paıdalaný úshin qoldanylatyn esirtki jáne psıhotroptyq zattardyń, prekýrsorlardyń úlgilerin bir-biriniń qaraýyna usynady;

      5. esirtki jáne psıhotroptyq zattardyń, prekýrsorlardyń zańdy aınalymyn osy salada teris paıdalaný yqtımaldyǵyna erekshe nazar aýdara otyryp, baqylaý jóninde tájirıbe almasady;

      6. esirtki jáne psıhotroptyq zattardyń, prekýrsorlardyń zańsyz aınalymyn boldyrmaý jóninde kelisilgen sharalar qabyldaıdy.

4-bap

      Qylmysty, ásirese, uıymdasqan qylmysty anyqtaýda, aldyn alýda, jolyn kesýde jáne onyń deńgeıin tómendetýde yntymaqtastyqty júzege asyra otyryp, Taraptar:

      1. uıymdasqan qylmystyq is-áreketke tartylǵan adamdar, qylmyskerlerdiń baılanystary, uıymdasqan qylmystyq toptardyń qurylymy, jekelegen qylmyskerler men uıymdasqan qylmystyq toptardyń qarym-qatynastary, isteri jónindegi faktiler (ásirese, qylmystyń jasalǵan ýaqyty, orny jáne ádisi týraly), qylmystardyń saralanýy men túrleri, qabyldanǵan sharalar, sondaı-aq osyndaı qylmystardyń aldyn alý nemese jolyn kesý úshin qajetti shamada iske qatysty kez kelgen basqa da detaldar týraly aqparat almasady;

      2. Taraptardyń biriniń suraý salýy boıynsha Suraý salynatyn Tarap memleketiniń ulttyq zańnamasynda kózdelgen jedel jáne tergeý is-sharalaryn júzege asyrady;

      3. halyqaralyq qylmys jasaýdyń ádisteri men onyń jańa nysandary salasynda aqparat jáne tájirıbe almasady;

      4. ózderiniń krımınalıstıkalyq, krımınologııalyq jáne basqa da iske qatysty krımınaldyq zertteýleriniń nátıjelerin almasady. Olardy jetildirý maqsatynda tergeý jáne ózderiniń jumys ádisterimen jabdyqtardy qoldaný jónindegi tájirıbesi týraly bir-birine ózara habarlaıdy;

      5. uıymdasqan qylmysqa qarsy kúres boıynsha ózara is-qımyl jasasýdy nyǵaıtý maqsatynda mamandardyń biliktiligin arttyrý úshin olardy ózara taǵylymdamadan ótkizedi, krımınalıstıkalyq, krımınologııalyq jáne sot-medıtsına saraptamasy salasyndaǵy tájirıbesin jáne ǵylymı jetistikterin almasady;

      6. qajet bolǵan kezde uıymdasqan qylmysqa qarsy kúres jóninde birlesken is-sharalardy júzege asyrady, olardy daıyndaý jáne iske asyrý úshin jumys babyndaǵy kezdesýlerdi ótkizedi.

5-bap

      Budan basqa, Taraptar yntymaqtastyǵy mynalardy:

      1. zańsyz alynǵan kiristerdi zańdastyrýǵa, sondaı-aq zańsyz qarjy operatsııalaryna qarsy kúrestegi yntymaqtastyqty;

      2. osy Kelisimde aıtylǵan qylmystyq áreketterge qarsy kúres salasyndaǵy normatıvtik aktilerdi almasýdy;

      3. qylmystyq is-áreket nátıjesinde týyndaǵan zańsyz kirister týraly aqparat almasýdy;

      4. zańsyz kóshi-qonǵa qarsy kúres salasyndaǵy tájirıbemen jáne normatıvtik aktilermen, sondaı-aq Taraptar memleketteriniń aýmaqtarynda sheteldikterdiń bolý tártibin retteıtin normatıvtik quqyqtyq aktilermen almasýdy;

      5. adamdar saýdasyna qarsy kúreste ekinshi Tarap úshin qajetti, sondaı-aq zańsyz kóshi-qondy uıymdastyrýǵa qatysy bar zańdy jáne jeke tulǵalarǵa jáne kóship-qonýshylardy aýystyrýdyń anyqtalǵan arnalaryna qatysty aqparat almasýdy qamtıdy.

6-bap

      1. Osy Kelisimniń erejelerin oryndaý maqsatynda barlyq baılanystar Taraptar memleketteriniń ortalyq quzyretti organdary arasynda tikeleı júzege asyrylatyn bolady.

      2. Osy Kelisimniń maqsattary úshin Taraptar memleketteriniń ortalyq quzyretti organdary mynalar:

      Qazaqstan Tarapynan:

      Ishki ister mınıstrligi;

      Ulttyq qaýipsizdik komıteti;

      Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy);

      Kedendik baqylaý agenttigi;

      Latvııa Tarapynan:

      Ishki ister mınıstrligi;

      Memlekettik kiris qyzmeti bolyp tabylady.

      3. Taraptar memleketteriniń ortalyq quzyretti organdary óz memleketteriniń ulttyq zańnamasy sheńberinde bir-birimen tikeleı yntymaqtasady jáne jeke Hattamada óz yntymaqtastyǵynyń belgili bir salalary men nysandaryn belgileýi múmkin.

      4. Árbir Tarap ortalyq quzyretti organdardyń tizbesindegi ózgerister týraly ekinshi Tarapty ýaqtyly habardar etedi.

7-bap

      1. Aqparat almasý jáne osy Kelisimde kózdelgen is-áreketterdi júzege asyrý týraly suraý salý Taraptar memleketteriniń ortalyq quzyretti organdaryna jazbasha nysanda jiberiledi. Suraý salý:

      - suraý salýshy organdy, sondaı-aq suraý salý jiberilgen organdy anyqtaıtyn dáleldi tujyrymdamamen;

      - oǵan baılanysty kómek suratylatyn istiń sıpattamasymen;

      - suraý salýdyń mazmunymen, sondaı-aq onyń oryndalýy úshin qajetti málimettermen birge jiberiledi.

      Shuǵyl jaǵdaılarda Taraptar memleketteriniń ortalyq quzyretti organdary osy Kelisimniń erejelerin oryndaý týraly aýyzsha túrde aldyn ala ótinish jasaıdy, bul osydan keıin dereý jazbasha túrde formaldy rastalýy tıis.

      2. Eger Suraý salynatyn Tarap suraý salýda usynylǵan aqparatty jetkiliksiz dep tapsa, ol qosymsha aqparat suratýy múmkin. Taraptar memleketteriniń ortalyq quzyretti organdary suraý salýdy dereý oryndaıdy.

8-bap

      Yntymaqtastyq barysynda usynylǵan derbes derekterdi qorǵaý maqsatynda Taraptar óz memleketteriniń ulttyq zańnamasyna sáıkes mynadaı sharttardy saqtaıdy:

      1. Suraý salýshy Tarap derbes derekterdi Suraý salynatyn Tarap aıqyndaǵan maqsattarda jáne sharttarda ǵana paıdalanady;

      2. Suraý salynatyn Taraptyń suraý salýy boıynsha Suraý salýshy Tarap jetkizilgen derbes derekterdi paıdalanǵany jáne osy rette alynǵan nátıjeler týraly aqparat usynady;

      3. derbes derekter osy Kelisimniń 6-babynda aıqyndalǵan jáne osy Kelisimde kózdelgen qylmystarǵa qarsy kúresti júzege asyratyn ortalyq quzyretti organdarǵa ǵana jiberilýi múmkin. Derbes derekter basqa bılik organdaryna suraý salynatyn organnyń jazbasha kelisimimen ǵana berilýi múmkin;

      4. berilýge jatatyn derbes derekterdiń dáldigine, sondaı-aq mundaı berilýdiń qajettiligine Suraý salynatyn Tarap kóz jetkizedi. Bul rette ekinshi Tarap memleketiniń ulttyq zańnamasynda belgilengen derbes derekterdi jetkizýige shekteýler saqtalady. Eger durys emes nemese shekteýge túsken derbes derekter jiberilgeni dáleldense, onda Suraý salýshy Tarapqa bul týraly dereý habarlanady. Ol qajetti túzetýlerdi engizedi nemese shektelýge jatatyn derbes derekterdi dereý joıady;

      5. múddeli adamǵa onyń ótinishi boıynsha, Suraý salynatyn Tarap memleketiniń ulttyq zańnamasyna sáıkes oǵan qatysty berilgen derbes derekter jáne olardy paıdalaný maqsattary týraly anyqtama berilýi múmkin;

      6. derbes derekterdi jiberý kezinde Suraý salynatyn Tarap óz memleketiniń ulttyq zańnamasyna sáıkes osy derbes derekterdi joıý úshin shekti merzimderdi belgileıdi. Osyǵan qaramastan, jetkizilgen derbes derekter olar qajetsiz bolǵan jaǵdaıda joıylýǵa tıis. Árbir Tarap alynǵan derbes derekterdiń joıylǵany jáne mundaı joıýdyń negizi týraly dereý ekinshi Tarapqa habarlaıdy. Alynǵan derbes derekter osy Kelisimniń qoldanylý merzimi toqtatylǵan kezde joıylady;

      7. árbir Tarap derbes derekterdi jiberý, alý jáne joıý tirkelimin júrgizedi;

      8. Taraptar alynǵan derbes derekterdi sanktsııalanbaǵan qol jetkizýden, ózgertýden nemese jarııalaýdan qorǵaıdy.

9-bap

      1. Taraptar osy Kelisimdi oryndaý maqsatynda almasý nátıjesinde alynǵan barlyq derekter men aqparattardy Taraptar memleketteriniń ulttyq zańnamasyna sáıkes qorǵaýǵa kepildik beredi. Beretin Tarap belgilegen qorǵaý dárejesi ózgertýge jatpaıdy.

      2. Osy Kelisimge sáıkes jetkizilgen qujattar, derekter men tehnıkalyq jabdyqtar Suraý salynatyn Taraptyń tek jazbasha kelisimimen ǵana úshinshi memleketke berilýi múmkin.

10-bap

      1. Osy Kelisimdi oryndaý jónindegi shyǵystardy Taraptar olar óz mindettemelerin oryndaýy úshin qajetti shekterde derbes kóteredi.

      2. Qajet bolǵan jaǵdaıda Taraptar osy Kelisimnen týyndaıtyn is-áreketterdi júzege asyrý úshin shyǵystardy birlese kóteredi, bul árbir naqty jaǵdaıda ózara qolaıly ýaǵdalastyqtarmen resimdeledi. Taraptardyń birlesken shyǵystar boıynsha mindettemeleri osy ýaǵdalastyqtarda retteledi.

11-bap

      1. Osy Kelisimniń erejelerin iske asyrý maqsatynda Taraptar birlesken komıssııa qurýy múmkin. Taraptar komıssııanyń quramy týraly bir-birine dıplomatııalyq arnalar arqyly habarlaıdy.

      2. Birlesken komıssııanyń otyrystary qajettiligine qaraı Taraptar memleketteriniń aýmaqtarynda kezektesip ótkiziledi. Árbir Tarap qajet bolǵan kezde qosymsha otyrys ótkizýge usynys jasaýy múmkin.

12-bap

      1. Suraý salynatyn Tarap, eger suraý salýdy oryndaý Suraý salynatyn Tarap memleketiniń egemendigine, qaýipsizdigine zııan keltiretin bolsa nemese ulttyq zańnamasyna qaıshy kelse, suraý salýdy oryndaýdan tolyq nemese ishinara bas tartýy múmkin.

      2. Suraý salýdy oryndaýdan nemese ishinara oryndaýdan bas tartylǵan jaǵdaıda, bas tartýdyń nemese ishinara oryndaýdyń sebepteri kórsetile otyryp, Suraý salýshy Tarapqa bul týraly jazbasha habardar etiledi.

13-bap

      Taraptar yntymaqtastyqty júzege asyrý kezinde osy Kelisimniń sheńberinde orys tilin paıdalanady.

14-bap

      Taraptardyń ózara kelisýi boıynsha osy Kelisimge ózgerister men tolyqtyrýlar engizilýi múmkin, olar osy Kelisimniń ajyramas bólikteri bolyp tabylatyn hattamalarmen resimdeledi.

15-bap

      Osy Kelisim Taraptardyń memleketteri qatysýshylary bolyp tabylatyn basqa da halyqaralyq sharttardan týyndaıtyn quqyqtar men mindettemelerdi qozǵamaıdy.

16-bap

      1. Osy Kelisim onyń kúshine enýi úshin qajetti memleketishilik rásimderdi Taraptardyń oryndaǵany týraly sońǵy jazbasha habarlama alynǵan kúnnen bastap kúshine enedi.

      2. Osy Kelisim belgisiz merzimge jasalady jáne Taraptardyń biri ekinshi Taraptyń óziniń osy Kelisimniń qoldanysyn toqtatý nıeti týraly jazbasha habarlamasyn alǵan kúninen bastap 6 aı ótkenge deıin kúshinde qalatyn bolady.

      2004 jylǵy 8 qazanda Astana qalasynda eki danada, árqaısysy qazaq, latysh jáne orys tilderinde jasaldy ári barlyq mátinderdiń kúshi birdeı.

      Osy Kelisimniń erejelerin túsindirýde kelispeýshilikter týyndaǵan jaǵdaıda Taraptar orys tilindegi mátinge júginetin bolady.