Astana men Ventıan baýyrlas qalalar atandy
ASTANA. KAZINFORM — Qazaqstan men Laos memleket basshylarynyń qatysýymen eki el arasyndaǵy yntymaqtastyqty nyǵaıtýǵa baǵyttalǵan tórt úkimetaralyq qujatqa qol qoıyldy.
Aqordanyń baspasóz qyzmetiniń habarlaýynsha, Memleket basshylarynyń qatysýymen mynadaı úkimetaralyq qujattarǵa qol qoıyldy:
1. Qazaqstan Respýblıkasy men Laos Halyq Demokratııalyq Respýblıkasy syrtqy ister mınıstrlikteri arasynda saıası konsýltatsııalar týraly ózara túsinistik jónindegi memorandým;
2. Qazaqstan Respýblıkasy Bas prokýratýrasy men Laos Halyq Demokratııalyq Respýblıkasy Joǵarǵy halyq prokýratýrasy arasyndaǵy ózara túsinistik týraly memorandým;
3. Qazaqstan Respýblıkasy Jasandy ıntellekt jáne tsıfrlyq damý mınıstrligi men Laos Halyq Demokratııalyq Respýblıkasy Ǵylym jáne tehnologııalar mınıstrligi arasyndaǵy aqparattyq-kommýnıkatsııalyq tehnologııalar jáne elektrondyq memlekettik qyzmetter salasyndaǵy yntymaqtastyq týraly ózara túsinistik jónindegi memorandým;
4. Astana men Ventıan qalalary arasynda baýyrlastyq baılanystar ornatý týraly memorandým.
Eske salaıyq, buǵan deıin Qasym-Jomart Toqaev pen Thonglýn Sısýlıt keńeıtilgen quramda kelissóz júrgizgenin habarlaǵan edik.
